غاية التعليمية يكتُب.. يا ترى هي إيه قصة تنافس الشركات الأجنبية خاصة الصينية عشان تخش تستثمر في السوق المصري من أوسع أبوابه، إيه هي الحوافز اللي بتقدمها للشركات الأجنبية عشان تقدر تجذبهم بشكل كبير في الفترة الأخيرة، وليه الشركات دي بتفضل مصر عن سوق تاني.
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الفترة الأخيرة، قدمت حوالي 100 شركة صينية طلبات للاستثمار في مصر، والشركات دي كشفت عن نيتها للعمل في مجالات كتيرة جدا، زي الكهربا والطاقة المتجددة والهيدروجين الأخضر وغيرها.

ونقدر نقول إن السبب الرئيسي لزيادة طلبات الاستثمار في مصر في الفترة الأخيرة، كان منتدى الأعمال المصري - الكرواتي، اللي انعقد في القاهرة، وأسفر عن مشاريع استثمارية جديدة، وعمل شراكات قوية بين الحكومة والقطاع الخاص، عشان يدفع عجلة الاقتصاد ونحقق هدف زيادة الاستثمارات واللي بتساهم بشكل كبير في تحقيق خطة التنمية المستدامة اللي بتنفذها الدولة دلوقتي.

ضيف عندك كمان، أن الحكومة المصرية شغالة بشكل مكثف على ملف تنمية الاستثمارات، بتكليفات من الرئيس السيسي نفسه، واللي عمل في الفترة الأخيرة  زيارة لإسبانيا، وكان لها مردود اقتصادي كبير جدا، ونجح الريس في عقد العديد من اللقاءات وشراكة تامة بين الحكومة والقطاع الخاص.

وبرضو، الريس شارك في قمم اقتصادية وسياسية بالخليج، زي السعودية والبحرين والكويت والأردن، وكان الملف الاقتصادي والاستثماري في صدارة المناقشات واللقاءات دي، وحصل بالفعل اعاون مع الصناديق السيادية الخليجية، ده غير زيارة الدكتور مصطفى مدبولي رئيس الوزراء للكويت، وكلامه عن الملف الاقتصادي بهدف جذب الاستثمارات وزيادة الصادرات المصرية.

أما عن الاستثمارات الصينية، فزي ما قولنا وصلت طلبات 100 شركة صينية للحكومة المصرية في الأيام الأخيرة، عشان تستثمر في مصر، من بين الشركات دي 30 شركة متخصصة في الكهرباء والطاقة المتجددة والهيدروجين الأخضر، وده بيعكس اهتمام الدولة بتعزيز الصناعات التصديرية المستدام.

كمان، الحكومة المصرية قدمت تسهيلات كتيرة وفعالة للمستثمرين، زي مثلا تسريع تسجيل الشركات وتقليل فترات الإفراج الجمركي من 8 أيام ليومين، وكمان تحسين البنية التحتية الاستثمارية ومع تعزيز خطوط النقل البحري المباشر لدعم الصادرات.

وكل ده طبعا بيشجع عملية الاستثمار، وبيدي رسالة إيجابية للمستثمرين مفادها إن إجراءات الاستثمار في مصر سهلة بس أنت تكون جدي، عشان الحكومة هتقدملك كل التسهيلات عشان تنفذ مشروعك من الألف للياء.

ونقدر نقول إن مع تزايد حجم الاستثمارات الأجنبية في مصر، هينتعش اقتصادنا بشكل كبير، وده لأن الاستثمار الأجنبي بيساهم في تعظيم الاقتصاد الوطني وتحفيز نموه، وكمان زيادة قدرة الإنتاج وخلق فرص عمل جديدة، وده بطبيعة الحال بيؤدي إلى تعزيز النمو الاقتصادي وتحقيق التنمية المستدامة.