غاية التعليمية يكتُب.. الذهب طالع في العالي ومحدش عارف هيوقف لغاية فين.. ياترى لسه المعدن الأصفر ملاذ آمن وهل لسه الاستثمار فيه مربح والامور رايحة على فين الأيام الجاية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

على مدار التاريخ كان الدهب ملاذ آمن للأفراد والمستثمرين لكن مع التغيرات الاقتصادية العالمية والتطورات التكنولوجية والصراعات الجيوسياسية خلت ناس كتير توقف وتفكر هو مستقبل الاستثمار في المعدن النفيس رايح على فين.. وعشان نفهم الإجابة على السؤال دا لازم نعرف الاول ايه هي العوامل اللي بتأثر في مستقبل الذهب وتحكم على أسعاره في الأسواق.. 

 أول حاجة معانا هي  التضخم لأن الدهب بيعتبر ملاذ وتحوط  ضد التضخم وسعره بيرفع لما  العملات بتخسر من قيمتها أو قوتها الشرائية ومع استمرار التضخم في العديد من الدول بيفضل الدهب خيار مناسب جدا للاستثمار.

تاني حاجه بتأثر في سعر الدهب هي الأزمات الاقتصادية والجيوسياسية وفي أوقات عدم اليقين بيلجأ المستثمرين إلى الدهب كملاذ آمن ودا بيزيد الطلب عليه وبيرفع سعره... تالت حاجه أسعار الفائدة وفي العادة بتكون فيه علاقة عكسية بين أسعار الفائدة وسعر الدهب.. 

يعني لما سعر  الفائدة بيزيد سعر الدهب بينزل عشان الناس بتروح تستثمر في المنتجات البنكية زي شهادات الادخار.

ومن الحاجات التانية اللي بتأثر في سعر الدهب هي الدولار الأمريكي لانه العملة الاحتياطية العالمية وبيتم بيه تسعير الدهب وعشان كده ضعف الدولار بياثر على ارتفاع أسعار الدهب والعكس صحيح.. كمان فيه سبب جديد بياثر في أسعار الدهب عالميا وهو التطورات التكنولوجية في طرق استخراج الذهب وتداوله على سعره وتوافره.

ببساطة والخلاصة أن اغلب التوقعات بتقول إن الدهب هيفضل استثمار مهم في المستقبل خاصة مع استمرار حالة عدم اليقين الاقتصادي والجيوسياسي قي في مناطق كتير من العالم وبعض الخبراء بيتوقعوا وصول الدهب لمستويات قياسية في السنين القليلة الجاية يعني الدهب هيفضل محافظ على بريقه وقوته والصدارة في الاستثمارات العالمية ولسه الفرصة موجودة ومتاحة لفترة طويلة لو بتفكر تستثمر فلوسك في استثمار طويل الأجل يبقي الدهب هو الخيار المناسب.

في مصر لسه الدهب رهان كسبان لان الصاغة المصرية مرتبطة بالاسواق العالميه ومع الزيادة المستمرة في الأسعار والتوقعات العالمية يبقي المعدن الأصفر مناسب جدا للاستثمار دلوقتي والافضل تشتري سبائك وجنيهات دهب عن المشغولات لأنها بتحافظ على قيمة الدهب ومش بيحتاح تدفع مصنعية وفي نفس الوقت بتحافظ على قيمة فلوسك من اي هبوط للعملة.