غاية التعليمية يكتُب.. من كام ساعة والحكومة اعلنت عن منح تسهيلات في الافراج الجمركي عن البضائع بالموانئ .. ياتري اية سر القرار ده.. وليه الحكومة هتدي تسهيلات جمركية علي البضائع بالموانئ.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر في الفترة الرئاسية بتستهدف زيادة الاستثمارات الاجنبية في كل المجالات، وقدمت تحفيزات وتسهيلات كبيرة جدا للشركات للدخول للسوق المصري وبناء شركات ومصانع والهدف من الشركات والمصانع دي هو ضخ منتجات مش موجودة في السوق المصري والتصدير للخارج، وده ضمن اهداف الحكومة لتخفيف الضغط علي العملات الأجنبية في الاستيراد من الخارج، وكمان زيادة الصادرات المصرية للخارج خصوصا ان الدولة عندها خطة للوصول لتحقيق 145 مليار دولار في 2030.

التسهيلات اللي بتقدمها الحكومة للمستثمرين واصحاب رؤوس الاموال الأجنبية بتتضمن تسهيلات في الحصول علي الاراضي لاقامة المشروعات والمصانع، والتسهيلات دي بتكون لفترات معينة بمعني أن الحكومة بتقول للمستثمر معاك فترة معينة بيتم تحديدا لبناء المشروع أو المصنع في حالة لو المستثمر اخر في التنفيذ بيتم سحب منه الأرض وتخصيصها لمستثمر تاني.

الحكومة قدمت كمان تسهيلات للمستثمرين في الحصول علي التراخيص، واعلنت عن الرخصة الذهبية ودي رخصة واحدة بموافقة شاملة بيصدرها مجلس الوزراء، ودي لو المستثمر قدر يحصل عليها مش هيحتاج اي موافقة تانية من اي جهة سواء للبناء أو التشغيل بس دي برضوا لها شروطها واللي هيا بتنص علي البناء وبدء الانتاج خلال فترة معينة، والهدف من التسهيلات والشروط دي هو ضمان أن المستثمر ياخذ الأرض ويبدأ البناء والتشغيل والأنتاج خلال مده معينة، خصوصا أن الحكومة عايزة كل المستثمرين اللي حصلوا علي اراضي بتسهيلات يبدأ يضخوا انتاج في السوق المصري لسد النقص اللي موجود في المنتج المحلي وكمان للتصدير للخارج.

طيب اية حكاية التسهيلا الجمركية الجديدة اللي اقرتها الحكومة.؟.
مجلس الوزراء في اجتماعه الاسبوعي وافق علي طلب وزارة الاستمثار بتقديم تسهيلات جمركية جديدة للافراج الجمركي علي السلع المستوردة خصوصا أن نسبة كبيرة من السلع بتفضل مركونة في المؤاني لفترات طويلة بسبب اجراءات جمركية مطلوبة من الموردين، وده بيعمل تكدس في المؤاني وبيعيق حركة الاستيراد والتصدير.

في الفترة اللي فاتت مصر طورت بنسبة كبيرة اجراءات الإفراج الجمركي عن البضائع بالمواني، وعملت حاجة اسمها النافذة الموحدة وفيها يقدر المستثمر أو المورد يدخل ويخلص كل اجراء بشكل رقمي بدون مشاكل.