غاية التعليمية يكتُب.. الجنيه المصري بيستعد لعودة قوية.. ياترى ايه هي مصادر قوة العملة المصرية والايام الجاية مخبية ايه وليه الجنيه بيحضر لمعركة أخيرة مع الدولار..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الجنيه المصري من مارس اللي فات مع تحرير سعر الصرف في سوق الصرف وبيواجه تقلبات ملحوظة  وطبيعية في قيمته وبنقول تقلبات طبيعية لأن الجنيه كان قبل مارس محصن ضد التقلبات الطبيعية في سوق العملة ولما الحصانة ارتفعت وبقي السعر حر للعرض والطلب بغرض تصحيح التشوه المالي الخطير حصلت تقلبات كبيرة ووصل سعره لحاجز الخمسين جنيه للدولار في وقت من الأوقات من 31 جنيه قبل التعويم.

وعشان نبقي عارفين سوق العملة بيحكمه في كل العالم قاعدة رئيسية وهي العرض والطلب يعني زي اس سلعة في السوق يعني لو الطلب عليها كتير طبيعي سعرها يرفع والعكس صحيح تماما لو الطلب عليها قليل يبقي سعرها هنيزل ودا اللي بيحصل في سوق الدولار والجنيه دلوقتي يعني ببساطة الأزمة دلوقتي مش في الجنيه ولا الدولار لكن في قدرة الدولة على توفير الدولار وكل ماستقرت وزادت موارد الدولار كل ما كان تحت السيطرة.

طيب أيه هي العوامل المؤثرة في قوة الجنيه والتحديات اللي بتواجه ؟

شوف حضرتك في أكتر من مصدر لقوة الجنيه اولها الاحتياطي النقدي وبيعتبر أحد أهم دعائم قوة العملة لانه بيوفر غطاء للواردات وبيساهم في استقرار سعر الصرف في البنوك وتاني حاجة تحويلات المصريين العاملين بالخارج واللي  بتشكل مصدر هام للعملة الصعبة وبتساهم في دعم الجنيه وفي آخر بيانات البنك المركزي المصري اقتربت التحويلات في 2024 لحاجز ال30 مليار دولار مقارنة ب19 مليار دولار في 2023 يعني بنتكلم في اكتر من 10 مليار دولار زيادة.

تالت حاجه بتأثر في سعر الجنيه أو صموده هي الاإيرادات السياحية و السياحة  مصدر مهم جدا للعملة الصعبة في مصر، وبتساهم في تعزيز الاحتياطي النقدي ويتوفر ملايين من فرص العمل وبتقود بقية القطاعات الاقتصادية التانية والصناعات المغذية ورابع حاجة من مصادر قوة الجنيه هي قناة السويس كأحد أهم مصادر الدخل الدولاري لمصر وبعدها تيجي الاستثمارات الأجنبية  المباشرة وغير المباشرة في تعزيز الاحتياطي النقدي ودعم الجنيه وكمان زيادة الصادرات الصادرات وتقليل الواردات بيساعد في دعم قيمة العملة المحلية واخيرا النمو الاقتصادي القوي من أهم عوامل قوة الجنيه بشكل عام لانه بيزيد الطلب على العملة المحلية.

وبخصوص التحديات اللي بتواجه الجنيه فهي كتيرة بردو اهمها ارتفاع الدين الخارجي لانه ليشكل عامل ضغط على العملة المحلية لأن سداد الديون بيتطلب توفير العملة الصعبة وتاني تحدي هو ارتفاع معدلات التضخم واللي بيتسبب في تآكل القوة الشرائية للجنيه وضعفها بجانب تقلبات الأسواق العالمية وارتفاع الأسعار العالمية بالإضافة إلى  الأزمات الجيوسياسية والاعتماد على الواردات..
 

يعني باختصار الجنيه في انتظار معركة نهائية مع الدولار لما مصر هتقدر توفر 300 مليار دولار موارد سنوية زي ما تعهدت الحكومة خلال 3 سنين وساعتها الجنيه هيحسم المعركة لصالحه مع تحسن كل المؤشرات الاقتصادية والمالية.