غاية التعليمية يكتُب.. ناس كتير مستغربة ليه لما الازمة الأوكرانية قامت الاقتصاد المصري اتاثرت بشكل كبير.. وكل الناس قالت أحنا مالنا ومال روسيا أوكرانيا.. واية تاثير الأزمة اللي موجودة بين البلدين علي العالم وعلي مصر.. فيا ترى فعلا ايه علاقة اللى بيحصل هناك بالوضع فى مصر؟ وليه تأثيره علينا كان كبير.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

اي توتر بيحصل في العالم بياثر علي الدول المحيطة بيها، ما باللك بقي لو الدول اللي قامت بينهم توترات يكون لك علاقات اقتصادية مباشرة معاهم.. ده بالضبط اللي حصل في الازمة الروسية الأوكرانية، واللي مصر لها علاقات اقتصادية مباشرة وبشكل رئيسي معاهم.

طيب اية علاقة مصر بكل من روسيا وأوكرانيا واية تاثير الازمة اللي بينهم علي مصر؟.

زي ما احنا عارفين ان روسيا بتعد من أوائل واكثر الدول المصدرة للسياحة المصرية ووصل نسبة السائحين الروس كانوا في مصر في عام الذروة عام 2010 لـ33% من نسبة السياحة الإجمالية اللي كانت موجودة في مصر في الوقت ده، علشان كده لما حصل حادث سقوط الطائرة الروسية فوق شبهة جزيرة سيناء في 2015، السياحة الوافدة لمصر اتاثرت وبشكل كبير واعداد السائحين المستهدفين للسياحة المصرية اتأثر بشكل كبير.

بعد حادثة الطيارة الروسية، الحكومة اشتغلت بشكل كبير لعودة استئناف حركة الملاحة الجوية بين البلدين وخصوصا للمطارات السياحية، وده تطلب شغل كبير جدا في مجال تطوير وتحديث المطارات وتأمينها اسوارها الخارجية وتحديث أجهزة الملاحة الجوية، ونظام المراقبة، وده اللي قامت بيها الحكومة علي مدار السنين اللي فاتت، وفعلا مصر حاليا بقت من افضل وافضل الدول مجال مراقبة المجال الجوي المصري، واللي نفع مصر في الأزمة اللي فاتت لما عدد كبير من دول المنطقة العربية اغلق مجالها الجوي بسبب التوترات اللي كانت موجودة في المنطقة، وكان المجال الجوي المصري يعتبر هو المجال الوحيد الامن والأفضل لعبور الطائرات من قارة اسيا وأفريقيا وأوروبا.

الدولة المصرية ممثلة في وزارة السياحة والأثار شغالة حاليا بشكل كبير للترويج السياحي لمصر في الاسواق الخارجية المستهدفة خصوصا السوق الروسي بسبب أن السائح الروسي عنده حب واغلبهم لها سابق تجربة في زيارة المقاصد السياحية المصرية، ده غير أن المسافة بين مصر وروسيا قريبة، وده بيخلي المقصد السياحي المصري هو رقم واحد والمفضل للسائح الروسي، ده غير العلاقات السياسية والتنسيق اللي موجود بين القيادتين السياسيتين في البلدين.