غاية التعليمية يكتُب.. الذهب سعره وصل لرقم قياسي أول مرة يوصل له من بعد قرار الإصلاح الاقتصادي واللي كانت في مارس 2024.. يا ترى ايه سر الزيادة الرهيبة دي في اسعار الذهب وامتى الذهب هيقفل 4000 جنية.. وهل الوقت الحالي مناسب للشراء ولا الذهب هيرجع ينخفض تاني.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مع بداية الأسبوع الحالي، الذهب خالف كل التوقعات.. وسعره ضرب في العالي وسعر الجرام عيار 21 واللي هو معروف بانه الاكثر انتشارا في الاسواق والقري خصوصا في قري ومحافظات الصعيد عدي 3900 جنية، ودي المرة الاول اللي سعر الذهب يوصل للرقم ده من بعد القرارات اللي أخذتها الحكومة في مارس 2024 واللي كانت متعلقة بتحرير سعر صرف الجنية بشكل حر قدام العملات الأجنبية واللي كان وقتها الذهب عيار 21 عدي الـ4000 جنيه.

خلال الـ24 ساعة اللي فاتوا وبعد ما شبعة الذهب أكدت أنه اسعار الذهب هتستقر في الايام اللي جاية والزيادة في الأسعار هتكون معقولة ومش هتكون فيه زيادات كبيرة في الأسعار من اللي كنا بنشوفها زمان، ولكن الذهب كمل مسيرته وبدأ الأسبوع بزيادة كبيرة ووصل سعر الجرام عيار 21 لـ3910 جنية وده رقم كبير جدا في خصوصا أن التوترات الجيوسياسية اللي كانت بتهدد اقتصاد اغلب دول العالم بدأت تهدي والامور بدأت ترجع لطبيعتها وبالتالي كل التوقعات أكدت أن اسعار الذهب هترجع لمستوها الطبيعي خصوصا أن اسعار الذهب في مصر مبالغ فيها جدا وأعلي من سعرها الحقيقي.

طيب اية اسباب ارتفاع اسعار الذهب الكبير اللي حصل في الايام اللي فاتت؟

الفترة الحالية في كلام منتشر وبشكل كبير عن وجود تخفيض مترتقب لاسعار الفايدة في مصر، والكلام أن التخفيض ده مش هيكون في الاجتماع اللي هتعقده لجنة السياسات النقدية بالبنك المركزي في اجتماعها اللي هيكون يوم  فبراير الحالي، والكلام كله بيقول أن التخفيض هيكون من الاجتماع اللي بعد الأجتماع اللي جاي واللي هيكون بعد 6 اسابيع، وبالتالي اغلب الناس بدأت تستثمر فلوسها في الذهب بعيد عن القلق اللي موجود بسبب الشهادات.

في الفترة الحالية، في اقبال كبير جدا من الناس علي محلات الصاغة لشراء الذهب، وده بالتزامن مع بدء البنك الأهلي وبنك مصر رد شهادات الـ23.5 و 27%، واغلب الناس خايفة تخاطر بفلوسها في شراء شهادات جديدة خصوصا مع الاخبار المنشترة عن وجود تحفيض اكيد في اسعار الفايدة، وبالتالي الذهب بيكون الخيار الأفضل لهم خصوصا أن الاستثمار في العقارات في الوقت الحالي محتاج ارقام كبيرة وبالملايين، أنما الذهب ممكن اي حد يستثمر فيه باي رقم حتي لو كان بسيط، ويقدر المواطن يشتري اي قطعة ذهبية بالوزن اللي هو عاوزه، ده غير أننا داخلين عن مواسم شهر رمضان وبعدها الاعياد واللي بتكتر فيهم المناسبات العائلية عندنا في مصر.