غاية التعليمية يكتُب.. في الوقت ده، الحكومة مهتمة جدا بإعادة صناعة الغزل والنسيج، عشان كده كان الدكتور مصطفى مدبولي رئيس الوزراء في جولة امبارح في مصانع المحلة عشان يوقف على أوضاعها ويشوف بنفسه مواطن القصور فيها وبالتالي يقدر يعالج كل مشكلاتها، عشان نرجع الصناعة لأمجادها.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ونقدر نقول، إن مصنع غزب 4 اللي موجودة في شركة مصر للغزل والنسيج بالمحلة الكبرى، على رأس أولويات الحكومة، لأن قيمة صادراته وصلت 16.1 مليون دولار من بداية تشغيله في سبتمبر 2023.

والمصنع ده بيعتبر باكورة إنتاج المصانع الجديدة ضمن المشروع القومي لتطوير صناعة الغزل والنسيج، ومتخصص في إنتاج الغزول الرفيعة، وكمان بيضم حوالي 72 ألف مردن بطاقة إنتاجية 15 طن غزل/ يوم، وبنصدر غالبية إنتاج المصنع لعدد من الأسواق الخارجية، زي الهند وباكستان والسعودية وأمريكا وتركيا.

عشان كده، قال وزير قطاع الأعمال، إننا بنستهدف دلوقتي رفع طاقة الغزول 5 أضعاف، وكمان مشروعات التطوير في مصنع (غزل 4) الجديد والمقام على مساحة 24.6 ألف متر، ومصنع (غزل 1) الجديد واللي بيضم أكبر عدد من المرادن تحت سقف واحد، بيصل لحوالي 183 ألف مردن، بمساحة 62.5  ألف متر، وبيشمل المشروع كمان مصنع (غزل 6) الجديد ومساحته 17.7 ألف متر، والمجمع الجديد للنسيج والصباغة بمساحة نحو 77 ألف متر.

وحاليا، شركة غزل المحلة بتستحوذ على 45% من المشروع القومي لتطوير صناعة الغزل والنسيج، وده بعد ما انطلق منها المرحلة الأولى من المشروع اللي وصلت تكلفته الاستثمارية 56 مليار جنيه، منها  22 مليار جنيه خاصة بتكلفة المنشآت، بالإضافة إلى 640 مليون يورو، وهي تكلفة الماكينات والمعدات.

وبيتم تنفيذ المشروع القومي لتطوير صناعة الغزل والنسيج على 3 مراحل، فابمرحلة الأولى انتهت بالفعل وبدأت عمليات التشغيل فيها زي ما حصل في مصنع غزل 4، ومصنع غزل1، ومصنع تحضير النسيج 1، ومحطة توليد الكهرباء، أما المرحلة الثانية فبتشمل عدد من المصانع في المحلة الكبري ومصانع تانية في عدد من المدن زي كفر الدوار، ودمياط، والمنصورة، والمنيا، وحلوان، ومن المتوقع الانتهاء من المرحلة الثانية بحلول منتصف عام 2025.

كمان، من المقرر الانتهاء من المرحلة الثالثة والأخيرة من المشروع القومي لتطوير صناعة الغزل والنسيج بنهاية عام 2025، وبداية عام 2026 على الأكتر.

وكل ده بيؤكد إن الحكومة مهتمة جدا بإعادة إحياء صناعة الغزل والنسيج، عشان تضاعف الطاقات الإنتاجية في الغزول، ونقدر نقول لما يعادل 5 أضعاف الطاقات الحالية، وتحديدا 130 ألف طن غزول سنويًا.

ومش بس كده، لأ ده كمان نقدر نضاعف طاقات النسيج 8 مرات عشان توصل ل 198 مليون متر سنويًا، ونزود إنتاج الوبريات من 1.2 ألف طن إلى 115 ألف طن سنويًا، وفي الملابس حوالي 5 أضعاف الطاقة الحالية، عشان توصل ل 40 مليون قطعة.

كل ده طبعا بيحصل بجانب إعادة تأهيل المصانع القائمة ورفع كفاءتها، عشان نقدر نوصل لهدف استعادة الريادة المصرية عالميًا في صناعة الغزل والنسيج وتعزيز تنافسية المنتجات الوطنية في الأسواق العالمية.