غاية التعليمية يكتُب.. هو إيه اللي بيحصل لما الاقتصاد يتعرض لضغوط؟ ومين اللي بيكون مسؤول عن الحفاظ على قيمة الجنيه المصري؟وإزاي بلد بحجم مصر بتقدر تواجه التحديات الاقتصادية العالمية؟ وإيه دور البنك المركزي والقطاع المصرفي فى الحفاظ على التوازن الاقتصادي؟ … في الفيديو ده هنكشف دور البنك المركزي كقائد سفينة الاستقرار النقدي في مصر وإزاي بيحافظ على توازن الاقتصاد الوطني في مواجهة الأزمات.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

البنك المركزي المصري مش مجرد مؤسسة مالية.. ده العقل المدبر للسياسات النقدية في البلد.. من أول الحفاظ على استقرار العملة لحد السيطرة على معدلات التضخم .. وتقدر تقول كده ان البنك المركزي بيلعب دور حيوي في حياة كل مواطن مصري حتى لو حضرتك مش واخد بالك أو مش مطلع على الكواليس اللى بتحصل.

تعالوا مثلا نتكلم عن استقرار الجنيه المصري... البنك المركزي بيتدخل إزاي؟

أول حاجة البنك المركزي بيستخدم أدواته النقدية زي سعر الفايدة والاحتياطي النقدي من العملة الأجنبية لضمان إن سعر الصرف ما يهزش اقتصاد البلد… وعلشان يبقى كلامنا مفهوم أكتر في 2023 البنك المركزي تدخل بحكمة لما حصلت تقلبات في السوق العالمي وده خلا الجنيه يقدر يصمد قدام الضغوط الدولية.. والبنك المركزي  مش بس بيدافع عن الجنيه ده كمان بيشتغل على تشجيع الاستثمارات الأجنبية وتحسين السيولة في السوق المحلي وده بيزود الثقة في الاقتصاد المصري قدام المستثمرين.

نروح كمان للتضخم ... الكلمة اللي ساعات بتعمل لنا صداع .. البنك المركزي هنا شغال زي طبيب بيوصف العلاج المناسب.. لما الأسعار بدأت تعلى بشكل كبير نتيجة التحديات العالمية.. البنك رفع أسعار الفايدة علشان يقلل الضغط الشرائي.. وبالتالي يسيطر على معدلات التضخم.. وأكيد حضراتكم بتقروا أو تسمعوا كل شويةعن سحب البنك المركزي السيولة من البنوك .. وده بدأ يحصل فعلاً لما معدلات التضخم وصلت أرقام قياسية .. هنا البنك اتحرك بسرعة وفعالية وده خلّى التضخم ينخفض تدريجياً في الفترة الأخيرة.

دلوقتي نيجي للدور الأكبر دعم الاقتصاد الوطني.. البنك المركزي مش بس بيدير العملة ده كمان بيحط سياسات لدعم المشروعات الصغيرة والمتوسطة وبيشجع البنوك على تمويل المشاريع اللي بتساعد في خلق فرص عمل.. وده ظهر بوضوح في مبادرات زي مبادرة "التمويل العقاري" اللي ساعدت آلاف الأسر إنهم يحققوا حلم امتلاك بيت،وكمان مبادرات دعم الصناعات المحلية اللي عززت الإنتاج وزودت التصدير.

لكن خلينا نكون واقعيين..  الطريق مش سهل .. والبنك المركزي بيتعامل مع تحديات زي ارتفاع أسعار الفايدة عالمياً.. وتراجع مصادر العملة الصعبة زي السياحة والاستثمارات الخارجية.. ورغك كل ده البنك بيبهرنا بقدرته على مواجهة الأزمات دي من خلال إدارة ذكية للاحتياطيات النقدية وتنويع مصادر العملة الأجنبية زي تعزيز الصادرات وتشجيع تحويلات المصريين في الخارج.

اللي لازم الكل يعرفوا ان البنك المركزي مش مجرد مبنى ده درع حماية الاقتصاد المصري ..وإنت كمواطن لازم تعرف إن كل قرار بياخده البنك المركزي هدفه الأول والأخير هو مصلحة البلد واستقرارها.