غاية التعليمية يكتُب.. الاستثمار في مصر بقي حديث العالم والأوساط الاقتصادية والمالية الدولية  ودا بعد حزمة إصلاحات اقتصادية كتيرة وانشاء البنية الأساسية بجانب موقع استراتيجي متميز والملف دا نظرا لأهميته نقدر نقول إن الرئيس السيسي بيشرف عليه بنفسه ومتابعه بشكل مستمر وكل يوم فيه جديد..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

لو بتسأل ايه هي مميزات الاستثمار في مصر عن أي بلد غيرها .. هنقول لحضرتك إن مصر اتحولت المركزي إقليمي للاستثمارات الأجنبية والعربية لأسباب كتير أولها موقع مصر الاستراتيجي ودا لأن مصر بتقع في قلب العالم وبتربط بين قارات أفريقيا وآسيا وأوروبا وكمان بتطل على البحرين الأحمر والمتوسط ودا خلاها مركز تجاري ولوجستي هام جدا في العالم وكل يوم الأهمية بتزيد مع الاحداث والتطورات العالمية..

كمان مصر سوق كبير ومتنامي وأكبر سوق في الشرق الأوسط وشمال أفريقيا بعدد سكان أكتر من 100 مليون نسمة ودا  بيوفر فرص استثمارية هائلة في مختلف القطاعات للمستثمرين ودا غير  استثمار  الحكومة المصرية بكثافة في تطوير البنية التحتية زي شبكات الطرق والموانئ والمطارات والمناطق الصناعية لتسهيل حركة البضائع والخدمات وبجانب دا مصر عملت  إصلاحات اقتصادية ضخمة ونفذت برنامج طموح للإصلاح الاقتصادي لتحسين مناخ الاستثمار وتبسيط الإجراءات وتوفير حوافز للمستثمرين.مصر عندها ميزة مهمة جدا بتخلي المستثمرين يفضلوها عن غيرها من الدول وهي توافر  قوة عاملة شابة ومؤهلة وبتتمتع مصر بقوة عاملة شابة ومتعلمة ودا بيوفر للمستثمرين كوادر بشرية مؤهلة لتلبية احتياجاتهم.

مصر فيها فرص كتير جدا للإستثمار زي الطاقة المتجددة والسياحة والزراعة والتصنيع والتكنولوجيا والتعهيد وغيرها من المجالات وعشان كده التكليفات الرئاسية لتيسير إجراءات الاستثمار شملت إصدار قانون الاستثمار الجديد لتوفير حوافز وضمانات للمستثمرين وتسهيل إجراءات تأسيس الشركات وإنشاء المناطق الاقتصادية الخاصة لتوفير مزايا ضريبية وجمركية للمستثمرين وتسهل إجراءات التصدير والاستيراد ودا غير  تطوير البنية التحتيةزي شبكات الطرق والموانئ والمطارات والمناطق الصناعية وتبسيط الإجراءات والقضاء على الروتين وتوفير خدمات إلكترونية للمستثمرين.

كل اللي قلناه دا خلى كتير من المؤسسات الدولية تتوقع مستقبل واعد للاستثمار في مصر وإنه يشهد نمو قوي في السنين الجاية ودا بفضل الإصلاحات الاقتصادية وتطوير البنية الاساسية والموقع الاستراتيجي المتميز.