غاية التعليمية يكتُب.. يا ترى إيه سر المشروع الصيني اللي هيعمل قلبان في المنطقة الاقتصادية لقناة السويس، وحجم استثماراته أد إيه؟  وهيشتغل في أي مجال بالظبط، ويوفر كام فرصة عمل، وإيه هي عوايده الاقتصادية المحتملة. 
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الساعات الأخيرة، شركة "جيانجسو جوتاي الصينية، وقعت عقد حق انتفاع مع مصر، لإنشاء مصنع للملابس الجاهزة لها في المنطقة الاقتصادية لقناة السويس وتحديدا في غرب القنطرة.

والمشروع الصيني ده هيكون عبارة عن مصنع ملابس كبير، مساحته 21 ألف متر مربع بمنطقة القنطرة غرب الصناعية، وبيوصل إجمالي استثمارات المشروع 10 مليون دولار أو ما يعادل 500 مليون جنيه، وهيوفر 2000 فرصة عمل مباشرة.

كمان، مخطط أن المصنع ده يصدر كامل إنتاجه من الملابس الجاهزة للخارج، وحاليا بيتم العمل على قدمٍ وساق داخل المنطقة الاقتصادية لقناة السويس لجذب استثمارات من مختلف دول العالم لكافة المناطق الصناعية والمواني التابعة للهيئة بالقطاعات المستهدف توطينها.

ونقدر نقول، ان المشروع الصيني ده بينعكس بشكل إيجابي على استمرار وتيرة المشروعات الجديدة بمنطقة القنطرة غرب الصناعية المؤهلة عشان تكون وجهة الاستثمار العالمي في قطاعات المنسوجات والملابس والتصنيع الزراعي.

ومع اكتمال توقيع عقود حق الانتفاع الفعلية لـ15 مشروع لحد دلوقتي بمنطقة القنطرة غرب باستثمارات 490 مليون دولار، على مساحة تتجاوز مليون و31 ألف متر مربع، وحجم عمالة يتخطى 20 ألف عامل، فمتوسط إجمالي لنسبة التصدير للخارج من الإنتاج هيكون بنسبة 80% لأسواق أوروبا وأمريكا، وده هيكون من خلال ميناء غرب بورسعيد أحد الموانئ الهامة التابعة للهيئة اللي بيعتبر نافذة على البحر المتوسط والأسواق الأوروبية واللي هيشهد تزايد في حركة التداول خاصة بعد بعد افتتاح مشروعات القنطرة غرب.

ومؤخرا الهيئة الاقتصادية لقناة السويس، وضعت حجر الأساس لـ5 مشروعات من بين عقود حق الانتفاع الموقعة، وجارٍ استكمال باقي المشروعات، وكمان قريب أوي هيتم افتتاح أول مشروعين بالقنطرة غرب وتحديدا في النصف الثاني للعام الجاري 2025.

عشان كده، المنطقة الاقتصادية حريصة على توطين الصناعة من خلال بناء تجمعات صناعية متكاملة، وتأهيل وتدريب العمالة، وتعظيم الاستفادة من الأدوات الاقتصادية سواء كانت مواني بحرية ومناطق صناعية ولوجستية وحوافز استثمارية جاذبة واتفاقيات للتجارة الحرة والدولية اللي بتسمح بالنفاذ الواسع لمختلف الأسواق العالمية، وده بجانب للموقع الاستراتيجي للهيئة اللي بيعزز من كونها وجهة الاستثمار العالمي.