أشاد الرئيس عبدالفتاح السيسي القائد الأعلى للقوات المسلحة في الحفل الإفطار السنوي الذي أقامته القوات المسلحة، ببرنامج الفنان سامح حسين "قطايف"، معقبا: "حلينا بقى بعد الأكل، وربنا يوفقك وكل سنة وانتو طيبين، طولنا عليكم وحبينا نحلي في الآخر بجملة من سامح عشان برضو أقول للمعنيين بالأمر المجتمع بيقوم على البيت، وبيقوم على الإعلام، وبيقوم على الناس، والمسجد والكنيسة وبيقوم على التعليم، ولو في حاجة فاتتني قولولي".

وتابع : "أي مجتمع عاوز يتطمن على ركائز ثبات وقوة مجتمعه وقدرته على الصمود، يا ترى الخمس عناصر دول موقفهم إيه، مع الوضع في الاعتبار بيأثروا على بعض، المدرسة والجامعة بتأثر على البيت والتنشئة بتأثر على الجامع والكنيسة بخطابهم، بيأثر على الشخصية، والإعلام واللي بيقدمه يبقى صوتنا عالي، وإيدينا دائما، مش بهاجم حد، دي بلدكم ودا مجتمعكم، بتعلموهم ايه.

وأوضح: "هو مش فيه جامعات فيها أساتذة علم نفس واجتماع يقولولنا إيه الخلطة تبقى عاملة إزاي، الكلام دا يتاخد للمؤسسات الإعلامية المطلوبة، والناس اللي بتعمل دراما الناس تشتغل عليه، ولا إحنا الأمور مش كده، دي بلدنا ودا مجتمعا ودول ولادنا ودي أسرنا، ودي قيمنا ودي أخلاقياتنا، مش هتكلم في المواضيع دي كتير، يقولك لا لاحسن الناس تزعل، ليه بنزعل من الحق؟، وسعيد إني ألتقي بيكم، كل سنة وانتو طيبين.