غاية التعليمية يكتُب.. من سنين طويلة ومصر كانت واحد من الدول اللي بتصدر الغاز الطبيعي للخارج، ولكن مؤخرا مصر تحولت لمستورد للغاز الطبيعي.. ياتري ايه سر التغير ده.. وامتي مصر هتوقف استيراد غاز طبيعي من برا وترجع تصدر  تاني امتى؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في سنة 2015 شركة إيني الإيطالية أعلنت عن واحد من اهم الاكتشافات البترولية في العالم وهو حقل ظهر واللي تم اكتشافه في البحر الأبيض المتوسط، واللي احتياطياته بتوصل لـ٣٠ تريليون قدم مكعب غاز، واحتياطيات الحقل بتمثل أكثر من ١٣٥٪ من الاحتياطي الحالي للزيت الخام في مصر. 

حقل ظهر واللي تم الإعلان عنه في 2015 كان واحد من أهم مصادر الدخل القومي لمصر من الخارج، واللي كان السبب الاساسي في زيادة إنتاج مصر من الغاز الطبيعي وكان سبب اساسي في سد احتياجات السوق المحلي وكمان مصر بدأت التصدير منه للخارح.

للاسف مع الفترة الصعبة اللي عاشت فيها مصر في 2023 وبداية 2024 واللي كانت مصر بتعاني فيهم من نقص شديد في العملات الأجنبية، الدولة كان عندها صعوبة في توفير التزاماتها المالية للشركات الدولية اللي شغالة في مصر في مجالات الاكتشافات البترولية والتنقيب عن البترول والغاز الطبيعي، وتاخر سداد مصر الالتزامات المالية اللي عليها تسبب في خروج وتوقف اعمال شركات التنقيب عن البترول كانت منهم شركة إيني الإيطالية واللي وقفت عمليات تطوير وحفر الأبار في حقل ظهر، وده كان سبب رئيسي في تراجع الإنتاج المحلي من الغاز الطبيعي، وده عمل ازمة في مصر.

نقص الانتاج المحلي من الغاز الطبيعي دفع مصر لفتح الاستيراد من الخارج، خصوصا أن مصر كانت عندها أزمة في تغطية النقص في السوق المحلي، وفعلا الحكومة خصصت أكثر من 4 مليار دولار لاستيراد الغاز الطبيعي والمازوت والزيت من الخارج، وده رقم ضخم جدا علي مصر، خصوصا أن مصر كان عندها أزمة اصلا في توفير الدولار بسبب انخفاض ايرادات المصادر الرئيسية الدولارية في مصر وعلي راسهم قناة السويس واللي تراجع ايرادتها باكثر من 70% بسبب التوترات الجيوسياسية اللي موجودة في منطقة الشرق الأوسط.

مع نهاية الربع الأول من 2024 مصر بقي متوفر عندها سيولة دولارية، ودفعت مستحقات الشركات الاجنبية اللي شغالة في مجال التنقيب عن البترول والاكتشافات البترولية، والشركات دي استأنفت شغلها في الاكتشافات البترولية وخلال وقت قريب قوي مصر هترجع تصدر مرة تانية مواد بترولية إلى الخارج.