غاية التعليمية يكتُب.. يا ترى إيه اللي بيحصل في السوق العالمي للذهب، وليه الأسعار مع بداية  2025 حققت ارتفاع تاريخي وزيادة غير مسبوقة، إيه هي أسباب الارتفاع ده، والأسعار اليومين دول رايحة على فين، وإيه هو مستقبل الذهب في مصر والعالم.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في أول شهرين من سنة 2025، سعر الدهب شهد موجة ارتفاع تاريخي غير مسبوقة، ووصل سعر الاونصة لاكتر من 2900 دولار عالميا وفي مصر كسر الجرام 21 اللي هو الاكتر مبيعا حاجز ال 4100 جنيه.. طب يا ترى إيه هو اللي بيحصل للدهب؟

بص يا سيدي، زي ما قولنا الدهب بيشهد أعلى مستوى تاريخي لارتفاع أسعاره، وده بيحصل للأسبوع الثامن على التوالي، بسبب الدعم الكبير للمعدن الأصفر خاصة في الوقت الحالي اللي بيشهد أزمات سياسية وحروب اقتصادية، عشان كده زاد الإقبال عليه لأنه الملاذ الأمن في الأسواق المالية في وقت الأزمات.

كمان، البنوك المركزية العالمية بتحوط نفسها من الأزمات الاقتصادية فبتلجأ لأنها تشتري كميات كبيرة من الدهب عشان تحصن نفسها ضد أي أزمات اقتصادية متوقعة، عشان كده زادت عمليات شراء الدهب عالميا مع بداية 2025، وكل ده علا من أسهمه وخلا الأسعار نااار.

وعشان نحلل اللي حصل بالظبط، فمنصة جولد بيليون المتخصصة في الدهب، قالت إن سعر الأونصة العالمية انخفض خلال الساعات الأخيرة بنسبة 0.4%، عشان يسجل المعدن الأصفر أدنى مستوى عند 2916 دولار للأونصة، وده بعد ما افتتح تداولات عند المستوى 2939 دولار للأونصة، لكنه حاليا بيتداول عند 2928 دولار للأونصة.

ولكن رغم الانخفاض المؤقت ده، إلا إن الدهب في طريقه لتسجيل ارتفاع جديد الأسبوع ده، ومتوقع يوصل لنسبة 1.6%، وبكده هيكون ارتفع في كل أسابيع التداول من بداية سنة 2025.

وقالت كمان جولدن بيليون، إن من أسباب ارتفاع أسعار الدهب مع السنة الجديدة، هو ارتفاع الطلب عليه الملاذ الآمن في الأسواق المالية بسبب المخاوف من تهديدات الرئيس الأمريكي دونالد ترامب بالتعريفات أو الرسوم الجمركية، يعني في حرب تجارية عالمية جاية في السكة وطبعا هنا بيلمع الدهب في عيون المستثمرين وبيتجهوا له فورا.

ونقدر نقول كمان، إن الدهب استفاد جدا من انخفاض الدولار الأسبوع ده، عشان كده حقق مكاسب كبيرة.

أما بالنسبة للبنك الاحتياطي الفيدرالي الأمريكي، فقال هو كمان إن الفترة الجاية هتشهد الإبقاء على سعر الفايدة بدون تغيير، وده هيكون فرصة كويسة للدهب عشان يحقق أرباح كويسة.

وبشكل عام، الدهب بيكون تحوط ضد المخاطر الجيوسياسية والتضخم، لكن أسعار الفايدة المرتفعة بتضعف جاذبيته لأنه في الحالة دي مش بيقدم عائد كويس لحائزيه، ورغم كده فالطلب المتزايد على الدهب كملاذ آمن بيعوض أي تأثير لأسعار الفايدة.

ضيف على كل ده، إن إعلان البنك المركزي الصيني عن إضافة 5 أطنان دهب جديدة لاحتياطاته في يناير اللي فات، عشان توصل حيازاته الرسمية من الدهب دلوقتي 2285 طن، يعني 5.9% من إجمالي الاحتياطيات، هو مؤشر جديد لارتفاعات متتالية لأسعار المعدن الأصفر في الشهور الجاية من 2025.

وفي النهاية نقدر نقول إن استمرار الطلب الفعلي على الدهب هيدعم بقاء الأسعار مرتفعة في الفترة الجاية.