غاية التعليمية يكتُب.. يا ترى ايه حجم المعونة الأمريكية اللي بتوصل لمصر كل سنة؟ وإيه القطاعات اللي بتستفيد منها؟ ولو المعونة دي اتقطعت زي ما هدد الرئيس الأمريكي هل ده هيأثر علينا بشكل كبير؟ وإيه البدائل اللي ممكن نعتمد عليها لسد العجز ده؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من أول توقيع اتفاقية السلام مع إسرائيل سنة 1979 مصر بتحصل على معونة سنوية من الولايات المتحدة بتوصل لحوالي 1.5 مليار دولار، منها 1.3 مليار دولار مساعدات عسكرية والباقي مساعدات اقتصادية فى قطاعات مختلفة.

المعونة العسكرية دي بتروح لدعم وتحديث الجيش المصري..  زي صيانة وتطوير المعدات العسكرية الأمريكية اللي عندنا ومنها طبعا دبابات أبرامز ومروحيات أباتشي ومقاتلات F-16 .. أما المساعدات الاقتصادية فبتتوزع على مجالات زي التعليم..  والصحة.. والبنية التحتية.

طب ايه حجم المعونة بالنسبة لدخل مصر من العملة الصعبة؟

لو بصينا على دخل مصر من العملة الصعبة هنلاقي إنه بيجي من مصادر زي تحويلات المصريين في الخارج اللى بتدخل حوالي 32 مليار دولار.. والسياحة حوالي 15 مليار دولار والصادرات بكل أنواعها  حوالي 40 مليار دولار.. وقناة السويس حوالي 10 مليار دولار والاستثمارات الأجنبية بتدخل حوالي 7 مليار دولار.. احنا هنا بنتلكم عن إجمالي دخل دولاري بيتراوح ما بين 100 الى 115 دولار.. فى حين أن المعونة الأمريكية لا تتخطى مليار ونصف دولار.

طب ده اللى بيدخلنا من العملة الصعبة بنصرف كام بقا؟

مصروفات مصر بالعملة الصعبة ببتتوزع ما بين من 80 الى 90 مليار دور واردات .. حاجات بنستوردها يعني .. وحوالى 30 مليار دولار خدمة دين سداد أقساط وفوايد .. وتحويلات أرباح للمستثمرين الأجانب اللى بيستثمروا فى أدوات الدين بحوالى من 4 ونص الى 5 مليار دولار.

بحسبة بسيطة اجمالي المصروفات بالعملة الصعبة بيتراوح ما بين 120 ل 130 مليار دولار.

ولو قارنا بين كل الأرقام دي  إن المعونة الأمريكية اللي هي 1.5 مليار دولار بتشكل نسبة صغيرة من إجمالي الدخل والمصروفات.

حد ممكن يقول طب ايه المشكلة ما نستغني عنها دي ولا حاجة؟

الحقيقة ان المعونة دي ليها بُعد تاني مهم بعيد عن قيمتها وهو إنها بتعكس علاقة استراتيجية بين مصر وأمريكا وبتدي إشارة للمستثمرين الأجانب إن العلاقات مستقرة وده بيشجعهم على الاستثمار في مصر.

طيب، لو حصل وقررت أمريكا توقف المعونة إيه البدائل اللي ممكن نعتمد عليها؟

فيه بدايل كتير زي اننا ننوع مصادر التسليح.. ومصر بدأت بالفعل تتجه لدول زي روسيا، وفرنسا، والصين لشراء الأسلحة، وده بيدي استقلالية أكبر في القرارات العسكرية.. وده كان من أول الحاجات اللى الرئيس السيسي انتبه ليها من بدرى وبدأ ينفذها.

كمان لازم زيادة التصنيع العسكري المحلي.. لأن التركيز على إنتاج المعدات العسكرية محليًا هيقلل الاعتماد على الخارج… ومع ده وده تعزيز العلاقات مع دول الخليج.. لأن أشقائنا فى دول الخليج ممكن يقدموا دعم اقتصادي واستثماري لمصر في حالة الحاجة.. بالاضافة كمان لزيادة التعاون مع مؤسسات دولية زي البنك الدولي وصندوق النقد الدولي لتمويل مشاريع تنموية.

صحيح  المعونة الأمريكية رغم إنها مش بتشكل جزء كبير من الدخل القومي إلا إن ليها دلالات سياسية واقتصادية .. لكن مصر عندها القدرة إنها تتكيف مع أي تغييرات محتملة وتلاقي بدائل مناسبة لدعم اقتصادها.