ليه الدولار رجع يزيد تاني؟.. هنقولك البنك المركزي بيعمل إيه لمنع تكرار “شح العملة” - غاية التعليمية
غاية التعليمية يكتُب.. يا ترى ليه الدولار رجع يزيد تاني؟ وإيه اللي ممكن يحصل في الأيام الجاية؟ وإزاي الحكومة والبنك المركزي بيتعاملوا مع الأزمة دي عشان ما تتكررش أزمة نقص العملة الأجنبية من جديد ؟
اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.
في يوم وليلة الدولار رجع يتحرك تاني.. وكل الناس بدأت تسأل هو رايح على فين؟ وإحنا كمصريين مستنيينا إيه؟ وهل اللي بيحصل ده مجرد "هزة" وهيرجع يهدى، ولا بداية موجة جديدة من الارتفاعات؟
خلينا نجاوب على كل الأسئلة دي واحدة واحدة.. أولا ليه الدولار رجع يتحرك تاني؟
الموضوع مش صدفة ولا وليد اللحظة... الدولار بقاله فترة متماسك نسبيًا لكن في الأسابيع الأخيرة بدأ يتحرك تاني.. لأكتر من سبب أولها الطلب على الدولار زاد بشكل كبير… المستوردين والشركات اللي محتاجة تموّل وارداتها رجعت تطلب الدولار بقوة وده خلى الضغط يزيد على العملة الصعبة.. وتانيها ان التضخم لسه عامل صداع في رأس الاقتصاد العالمي.. الأسعار عالمياً بترتفع والمواد الخام بقت أغلى وده بينعكس على كل الاقتصادات الناشئة ومن ضمنها مصر.. وتالت حاجة التوترات الجيوسياسية اللى بتلعب دور كبير .. وأي أزمة في المنطقة بتأثر على الاستثمارات الأجنبية والفلوس الساخنة اللي بتيجي وتخرج بسرعة وبالتالي الضغط على الجنيه بيرجع يزيد.
طب هل الأيام الجاية ممكن نشوف ارتفاعات جديدة في الدولار؟
التوقعات بتقول إن الدولار ممكن يكمل في الارتفاع لو الأمور فضلت ماشية بنفس الشكل ده.. فيه تقارير بتتكلم عن احتمالية ارتفاع العملة الأمريكية الفترة الجاية خصوصًا لو ما حصلش تدفقات دولارية جديدة.
بس في نفس الوقت فيه قرارات تحت الطاولة ممكن تهدي اللعب شوية وهنا نيجي للسؤال الأهم… الحكومة والبنك المركزي بيعملوا إيه عشان يمنعوا أزمة جديدة في الدولار؟
فيه خطة على كذا محور بتنفذها الحكومة بالتعاون مع البنك المركزي لمنع تكرار أزمة الدولار .. والخطة بتتضمن تشجيع الاستثمار الأجنبي من خلال الاشراع ببيع حصص في شركات حكومية لجذب دولارات جديدة وده ممكن يدعم الاحتياطي النقدي ..كمان فيه قرار مهم بتخفيض الإنفاق بنسبة 15% عشان نقلل الضغط على العملة الصعبة.
والبنك المركزي بقى أكتر مرونة في تحديد سعر الجنيه ونجح فى السيطرة على السوق السوداء ومنع المضاربات العنيفة.. بس خد بالك تقليل الاستيراد وزيادة الصادرات هو الحل الجذري لأن طول ما إحنا بنستورد أكتر ما بنصدر الطلب على الدولار هيبقى عالي طول الوقت.
طب إحنا رايحين على فين؟
الوضع في 2025 مش سهل لكنه مش مستحيل.. الدولار بيتحرك والاقتصاد المصري بيحاول يلاقي حلول.. هل هننجح في السيطرة ولا هنشوف موجة جديدة من الارتفاعات؟ الأيام الجاية هي اللي هتجاوب على السؤال ده.
كُنا قد تحدثنا في خبر ليه الدولار رجع يزيد تاني؟.. هنقولك البنك المركزي بيعمل إيه لمنع تكرار “شح العملة” - غاية التعليمية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية التعليمية الالكتروني.
0 تعليق