غاية التعليمية يكتُب.. تأمين الطاقة واحد من الملفات المهمة جدا علي مكتب الحكومة خصوصا أن مصر عندها استراتيجية للتحول لمركز اقليمي لتبادل الطاقة.. ياتري مصر امتي مصر هتبدأ تبيع الكهرباء للدول الخارجية.. ومصر مستهدفة تحقق كام كايراادات من بيع الكهرباء

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الفترة اللي فاتت واللي الحكومة اضطرت تستورد فيها غاز طبيعي ومازوت من الخارج لتأمين الطاقة الكهربائية للمواطنين خلت الحكومة تعيد حساباتها في ملف الطاقة، خصوصا أن اللي حصل ده مخالفة لخطة الدولة لتامين احتياجات السوق المحلي من الكهرباء وكمان التصدير للخارج من خلال شبكات الربط الكهربائي اللي موجودة بين مصر دولوقتي ودول العالم الخارجي.

الأزمة اللي حصلت في مصر بتاع تخفيف الاحمال خلت الحكومة تتحرك وبسرعة كبيرة، وفعلا الحكومة قدامت حوافز كبيرة للمستثمرين ورؤوس الاموال الأجنبية علشان تدخل السوق المصري وتبني محطات لتوليد الطاقات الجديدة والمتجددة واللي كلها بتكون شغالة من استغلال طاقة الرياح والشمس، واللي موجودين ومتوفرين في مصر في مناطق كتيرة جدا خصوصا في أسوان وحليج السويس.

الحكومة في الفترة اللي فاتت قدمت حوافز كتيرة للمستثمرين الاجانب علشان يدخلوا مصر، والحوافز دي كانت عبارة عن تخصيص الأرض وكمان شراء الطاقة بعد انتجاها من المستثمرين والشراء ده بيكون في الغالب جزء منه بالدولار والجزء التاني بالجنية المصري أو زي ما المستثمر بيتفق مع الحكومة قبل ما يبدأ مشروعه في مصر.

طيب اية اللي حصل في ملفات زيادة انتاجيه مصر من الطاقة الجديدة والمتجددة؟

الحقيقة مصر في الوقت الحالي بتتحرك في اتجاهات كتيرة جدا لتأمين الطلب المحلي للكهرباء واللي في الفترة الأخيرة ارتفع جدا بسبب التوسعات العمرانية الكبيرة اللي حصلت في مصر بسبب الزيادة السكانية والمشروعات التنموية اللي قامت بيها الحكومة، ده غير الشغل اللي بتقوم بيه الحكومة حاليا لزيادة وتخصيص اراضي جديدة لتشغيل وبناء المصانع في مصر، واللي طبعا بتكون محتاجة طاقة علشان تشتغل وتدور وتنتج وتكون باب دولاري لمصر من التصدير، خصوصا أن توفير الكهرباء أول سواء اي مستثمر خارجي بيسال عليه قبل ما ياخذ الخطوة ويبني مشروع في اي دولة خارجية.

الحكومة في 2025 مستهدفة تضيف 4 آلاف ميجا وات إضافية بتكلفة استثمارية هتوصل لـ 4 مليار دولار من الطاقة الجديدة والمتجددة من مشروعات بيتم تنفيذها حاليًا مع القطاع الخاص، والمشروعات دي هتبدأ تنتج اعتبار من فصل الصيف اللي جاي، والطاقة الجديدة هتوفر مليون و800 ألف جنيه يوميا من تكلفة الغاز الطبيعي والمازوت اللي الدولة بدأت تستورده من الخارج لتشغيل محطات توليد الكهرباء.

مصر كمان هتبدأ تشغل أول حدث تاريخي في 2027 وهو تشغيل أول مفاعل نووي بمحطة الضبعة النووية واللي هتكون باجمالي 4800 ميجاوات، والمفاعلات النووية هتبدأ تدخل الخدمة واحد ورا التاني لحد ما نشغل الـ4 مفاعلات بشكل كامل، وده هيدورا قدرة كبيرة لمصر علي تصدير الكهرباء للخارج عن طريق خطوط الربط الكهربائي اللي موجودة حاليا بين مصر ودول العالم.