غاية التعليمية يكتُب.. الفترة اللي جاية في طرح جديد هيكون عن فئة الـ10 دولار، ياتري اية حكاية الـ10 دولار الجديدة.. واية اسباب تغيير شكلها عن الشكل اللي موجودة عليها دلوقتي.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من فترة للتانية الدول بتطرح فئات جديدة من العملات الموجودة عندها، وده بيكون له اهداف كبيرة اغلبها بيكون متعلق بالسلامة وتأمين العملات من التزوير، خصوصا ان الفترة الحالية من انواع كتيرة ومنتشرة بقت موجودة في الاسواق لتزوير العملات، ومع التطور التكنولوجي بقي صعب جدا علي اي مواطن يكتشفها بسهولة الا لو كان حد متخصص، والتزوير ده مبقاش متوقف بس علي العملات المحلية لا ده كمان وصل للعملات الأجنبية اهمهم طبعا الدولار.

طيب اية حكاية الـ10 دولار الجديدة واية اسباب طرحها في الوقت الحالي؟.
في عدد كبير من المصارف التجارية أكدت أن قريب قوي هيكون في طرح جديد لفئة نقدية من عملات الـ 10 دولار واللي هتكون بتصميم جديد، وده بهدف رفع مستويات وعلامات تأمينها، وانها هتبدأ تظهر في الأسواق في 2026.

التصميم الجديد لفئة الـ10 دولار هيتضمن علامات وعناصر تأمين جديدة فى إطار خطة الولايات المتحدة الأمريكية لتحسين عمليات تأمين أوراق النقد بكل فئاتها المختلفة، وهتتضمن كمان تطوير تعامل الأشخاص من ذوى الضعف البصرى، ده غير أنها هتتضمن مميزات لمكافحة عمليات تزوير العملات اللي بقي منتشر في كل انحاء العالم.

ولازم كلنا نكون عارفين أن اغلب دول العالم بقي منتشر فيها فئات كتيرة من العملات المزورة، وخصوصا الدولار، ده بسبب أن مش كل الناس معاهم دولار ولا هيعرفوا يفرقوا بين الدولار الرسمي والمزور، وعندنا هنا في مصر كانت ظاهرة انتشار العملات المزورة موجودة في السوق المصري خصوصا في الفترة اللي كان عندنا في مصر سوق سودا في التجارة بالعملات، والفترة دي اللي كانت تحديد قبل قرار الحكومة بتحرير سعر صرف العملات الأجنبية بشكل مرن واللي كانت قبل شهر مارس 2024، والفترة دي كانت السوق السودا في التجارة بالعملات موجودة ونشطة جدا في مصر، وفي ناس كتير جدا في مصر اتعرضوا لعمليات نصب كتيرة بسبب أنهم غيروا عملات من السوق السودءا علشان يستفادوا من فرق الاسعار اللي كان موجود بين السعر الرسمي في البنوك وسعر بيعه في السوق السوداء.