غاية التعليمية يكتُب.. ايه قصة التحالف المصري التركي الصيني الجديد وياترى هيعمل ايه وايه علاقته بتحويل مصر لمركز إقليمي لصناعة وتصدير الجلود.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر بدأت تجني ثمار البنية الأساسية الحديثة اللي عملتها في سنوات الرئيس السيسي الاولى في الحكم واللي فتحت الباب على مصراعيه للاستثمارات الأجنبية وخاصة البنية التحتية الخاصة بتوطين الصناعة من طرق ومحاور ومواني ولوجستيات وحوافز كتير تانية وشفنا حجم الاستثمارات اللي استقبلتها مصر من اول صفقة رأس الحكمة والمنطقة الاقتصادية لقناه السويس وعلى طول الساحل الشمالي للمتوسط وغيرها من المناطق الصناعية الجديدة ودا بيأكد أن مصر ماشية على الطريق الصحيح واقتصادها بينطلق بقوة ودا هينعكس على مستوى المعيشة في القريب العاجل.

طيب ايه الجديد في ملف الاستثمار والصناعة ؟
الحقيقة كل يوم بتسمع اخبار مفرحة عن صفقات استثمارية في مصر وكان آخرها الاستثمارات الكويتية اللي نازلة مصر في اكتر من مجال وقبلها الاستثمارات الإماراتية والسعودية والتركية والصينية لكن النهاردة عندنا خبر جديد بخصوص تحالف شركات مصري تركي صيني وهدفه صناعة الجلود في مصر ومش بس كده دا كمان التحالف ناوي يحول مصر لمركز إقليمي في الصناعة الحيوية دي واللي بتقوم عليها صناعات كتير. مهمة زي صناعة الأحذية والشنط والملابس وغيرها.

حسب المعلومات المتاحة التحالف الاستثماري الثلاثي بين مصر وتركيا والصين،ط هيكون بقيادة شركة “فابريكة” المتخصصة في الصناعات الجلدية لإنشاء مجمع صناعي باستثمارات أولية 200 مليون جنيه مصري ودا لتعزيز قطاع الجلود المصري، ورفع قدراته الإنتاجية والتصديرية في إطار رؤية استراتيجية تسعى إلى تحويل مصر إلى مركز إقليمي للصناعات الجلدية والاستفادة من الموقع الجغرافي المميز لمصر كبوابة للأسواق الأفريقية والشرق الأوسط وتوافر العمالة الماهرة والتكاليف التنافسية للإنتاج.

محمد مهران، رئيس شعبة الجلود بغرفة القاهرة التجارية ورئيس شركة فابريكة قال إن المشروع هيتم تمويله بالتساوي بين الأطراف التلاتة، بحيث تكون حصة كل طرف 33.3% من إجمالي الاستثمارات وقال كمان إن التحالف بيخطط للبدء في أعمال الإنشاءات والتجهيزات في السنة الجاية 2026 وبيشمل المشروع إنشاء خطوط إنتاج متطورة باستخدام أحدث التقنيات العالمية في مجال تصنيع الجلود وفيه مفاوضات حاليا مع الجهات الحكومية للحصول على قطعة أرض مناسبة في واحدة من المناطق الاقتصادية المتخصصة زي  الروبيكي المخصصة لصناعة الجلود أو المناطق الصناعية بمحور قناة السويس والحصول على مزايا استثمارية تشمل الإعفاءات الضريبية، وتسهيلات جمركية والدعم اللوجستيا  لتقليل التكاليف وتعزيز القدرة التنافسية للمنتجات.

المستثمرين الأتراك والصينيين قاموا بزيارات متعددة لمصر لتقييم المناخ الاستثماري، وانبهروا  بالمزايا اللي بتوفرها السوق المصرية خاصة وفرة المواد الخام، وسهولة الوصول إلى الأسواق العالمية والبنية التحتية المتطورة اللي بتشمل مواني ومناطق صناعية متخصصة وقالوا إن مصر مرشحة لقيادة المنطقة في كتير من الصناعات مش الجلود بس.