غاية التعليمية يكتُب.. مصر هتكون في الفترة اللي جاية مع موعد من التاريخ بحدث استثنائي هيغير خريطة السياحة العالمية بشكل كامل.. ياتري اية هو الحدث ده.. وازاي هياثر علي السياحة العالمية.. واية تاثيره علي السياحة المصرية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر زيها زي اي دولة في العالم عندها خطة ترويجية لاستهداف اسواق مختلفة من دول العالم الخارجي علشان تزود عدد السائحين اللي جايين عندنا، الحاجة الرئيسية والاساسية اللي مصر شغالة عليها هيا الأثار خصوصا أن مصر عندها اثار فريدة ومفيش زيها في العالم، ده غير محافظة الأقصر واللي بتعد أكبر متحف مفتوح للاثار في العالم، وكل السائحين حوالين العالم عندهم شغف بمشاهدة عظمة الحضارة المصرية القديمة والتقدم العلمي اللي وصل له المصري القديم واللي ابهر العالم كله في فنون الحياة اليومية.

علي مدار الفترة اللي فاتت، مصر استهدفت تنظيم احداث آثرية بشكل ترويجي عمل حالة مختلفة في العالم كله، وكون رؤية ورغبة عند عدد كبير من السائحين حوالين العالم برغبتهم في زيادة مصر والاستمتاع بالمعالم السياحية والآثرية المصرية، وكان ألهم حفل نقل المومياوات الملكية واللي حظي بتغطية إعلامية من 400 قناة مختلفة من اغلب دول العالم، واللي شهد نقل 22 مومياء ملكية منهم 18 مومياء لملوك و4 مومياوات لملكات من المتحف المصري بالتحرير الي المتحف القومي للحضارة المصرية بالفسطاط، وكان في استقبالهم الرئيس عبدالفتاح السيسي، وده كان حدث خلي في شغل عالمي بزيارة مصر، وكمان عمل احياء بشكل كامل لمتحف الحضارة بعد ما كان دوره هامشي ومش معروف بالشكل الموجود عليه حاليا.

الحدث الثاني اللي عملته مصر للترويج السياحي لمصر بالخارج كان حفل افتتاح طريق الكباش بيربط معابد الكرنك ومعبد الأقصر  بإجمالي بيوصل لـ2700 متر وبعدد ما يقرب من 1200 تمثال، ومصر للمرة التانية قدرت تنظم حفل مهيب العالم كله شافه وكان برضوا نقلة تاريخيه للترويج السياحي لمصر بالخارج.

طيب اية الحدث الفريد اللي مصر بتجهزه حاليا واية تاثيره علي السياحة العالمية؟

مصر حاليا بتجهز برضوا لحدث تاريخي اثري استثنائي وهو افتتاح المتحف المصري الكبير واللي هيكون اكبر متحف اثري في العالم وهيعرض أكثر من 50 الف قطعة اثرية في مكان واحد، وهيكون فيهم نسبة كبيرة من القطع الأثرية الزائرين هيشفوها لأول مرة في التاريخ زي المجموعة الاثرية الكاملة للملك الذهبي توت عنخ آمون واللي بيوصل عددها لأكثر من 5300 قطعة اثرية، هتعرض لأول مرة من لحظة اكتشافهم في المقبرة اللي تم اكتشافها في 1922 بالدير البحري بالأقصر.

الحدث الفريد اللي مصر بتنظم له حاليا هيكون يوم 3 من شهر يوليو اللي جاي، واللي هيحضره عدد كبير من ملوك ورؤساء العالم، وحفل الافتتاح هيوصل لمدة اسبوع كامل وهيكون كل يوم مخصص لفئات محددة، ومصر اختارت التوقيت ده علشان اكبر عدد من الملوك والمشاهير يحضروه، وكمان الاقبال السياحي علي مصر في شهور الصيف بيكون منخفض شوية، والافتتاح هيزود الاقبال السياحي علي مصر بشكل كبير جدا.