غاية التعليمية يكتُب.. القرارات الأخيرة اللي أعلن عنها الرئيس الأمريكي دونالد ترامب بخصوص تطبيق اجراءات جمركية جديدة علي الورادات لبلاده.. خصوصا أن القرارات دي هتاثر علي اغلب دول العالم.. ياتري هل القرارات دي هتاثر علي الصادرات المصرية .. وازاي مصر تتفادي تخفيض صادرتها هناك.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الرئيس الأمريكي دونالد ترامب أكد حلال حملته الإنتخابيه أكد أنه هيطبق اجراءات ورسوم جمركية كبيرة علي عدد كبير من البضائع اللي بتدخل السوق الأمريكي، وأكد أنه واشنطن هتفرض رسوم بنسبة 25% على المنتجات المستوردة من كندا والمكسيك،  وهيفرض رسوم جمركية علي البضائع اللي جاية من الصين بنسبة 10% اضافية للرسوم اجمركية المطبقة حاليا.

طيب ليه الرئيس الأمريكي دونالد ترامب فرض الاجراءات الأخيرة دي؟

القرارات الأمريكية الاخيرة في حالة تطبيقها هتفرض تداعيات اقتصادية كبيرة على مستوى العالم وطبعا الاقتصاد المصري هيتاثر بيها وده بسبب التشابك العالمي والدور المركزي لأمريكا في النظام المالي والتجاري الدولي.

القرارات الأخيرة للرئيس الأمريكي الهدف منها تحسين الصادرات الأمريكية وتقليص العجز التجاري وده هيؤدي إلي لتخفيض قيمة الدولار قدام العملات التانية، وده هيعرض الاحتياطيات الأجنبية المصرية واللي الدولار بيشكل نسبة كبيرة منها لتقلبات ممكن تاثر بالسلب على استقرار سوق الصرف في مصر.

سياسة الرئيس الأمريكي التجارية قايمة بشكل كامل على فرض تعريفات جمركية على الواردات والهدف منها هو تعزيز الصناعة المحلية الأمريكية، وعلي فكرة الفكرة دي مش أول مرة الرئيس الأمريكي دونالد ترامب يطبقها، لا ده طبقها في الفترة الرئاسية الأولي له لما تولي حكم البيت الأبيض، ووقتها كان فرض تعريفات على السلع الصينية والأوروبية وكان لها تاثير سلبي علي سلاسل التوريد العالمية.

طيب ايه التأثير اللي هيقع علي مصر من قرارات ترامب الاقتصادية؟

مصر واحدة من الدول اللي لها صادرات كتيرة للسوق الأمريكي، ووصل حجم التبادل التجاري بين القاهرة وواشنطن لـ 6.913 مليار دولار بزيادة وصلت لنسبة 21.7% في 2024، والسوق الأمريكي بيستحوذ علي 6.8% من إجمالي قيمة التجارة الخارجية المصرية .
الولايات المتحدة الأمريكية بتستورد من مصر حاجات كتيرة جدا اهمها الملابس الجاهزة واللدائن ومصنوعاتها والسجاد وأغطية الأرضيات والجاج ومصنوعاته والخضر والفواكهة، الصناعات المصرية حاليا لها مشتري في السوق الأمريكي وبقت مطلوبة بالأسم دونا عن كل الصناعات الدولية اللي بتدخل السوق الأمريكي.

القرارات الأمريكية الأخيرة في حال تطبيقها، هتحجم بشكل أو بأخر علي الصادرات المصرية للسوق المصري، خصوصا أن القرارات ممكن في الوقت اللي جاي تشمل دول جديدة ممكن تكون منهم مصر، ده غير أن القرارات اكيد في دول تانية هتفرضها للرد علي سياسيات الرئيس الأمريكي وده اللي اعلنته عدد من الدولة فعلا من منطلق مبدأ المعاملة بالمثل، وبالتالي حركة التجارة العالمية هتواجه نوع من التحجيم بسبب السياسيات الضريبة الأخيرة للدول وهتكون ضربة كبيرة للصادرات المصرية لدول العالم الخارجي.