غاية التعليمية يكتُب.. يا ترى إيه قصة دخول الأتراك بكل قوتهم في مجال الغزل والنسيج في مصر، وإزاي الصناعة دي قدرت تجذب رؤوس الأموال التركية في الفترة الأخيرة، هل الحكومة روحت لها بشكل مناسب وساهم في لفت الأنظار لها، ولا بسبب المكاسب الاقتصادية العملاقة اللي بتحققها الصناعة دي؟
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الحقيقة الغزل والنسيج، واحدة من أهم الصناعات اللي بتساهم بدور مهم جدًا في دعم الاقتصاد القومي المصري، وده لأنها بتتمتع بمميزاتها الكتيرة، واللي بينها شهرتها العالمية في المادة الخام اللي هي القطن، وكمان صناعة المنسوجات والملابس هي تاني  أكبر القطاعات الصناعية في مصر بعد الصناعات الغذائية، وده غير إن الغزل والنسيج بتلعب دور رئيسي في تشكيل الاقتصاد المصري، وبتكون مورد أساسي للملابس والمنسوجات المنزلية ولها اسستخدامات تانية كتيرة.

وعشان الاهتمام الحكومي الكبير بالصناعة دي، فالساعات الأخيرة شهدت عقد الفريق مهندس كامل الوزير، نائب رئيس مجلس الوزراء للتنمية الصناعية وزير الصناعة والنقل، لقاء مع ممثلي 9 شركات تركية، عايزة تستثمر في السوق المصري وبخاصة في مجالات الغزل والنسيج والملابس الجاهزة.

ومن هنا، أكد "الوزير" إن الحكومة هتقدم كل سبل الدعم للمستثمرين الأتراك، وده لأن في علاقات اثقتصادية قوية بتربط مصر وتركيا وفي مجالات تعاون كتيرة ما بينا في مختلف المجالات، كمان الحكومة المصرية دلوقتي حريصة على تقديم كافة أشكال الدعم للمستثمرين الجادين عشان يزودوا استثماراتهم في السوق المصري.

ومن ضمن التسهيلات اللي بتقدمها الحكومة للمستثمرين الأتراك، هي تشكيل مجموعة عمل بموجب قرار رئيس مجلس الوزراء لمتابعة استثمارات الشركات التركية في مصر وتذليل أي عقبات تواجههم لزيادة استثماراتهم في السوق المصرية، ومش بس كده ده كمان هيتم تعزيز الصادرات التركية من مصر لمختلف الأسواق الدولية من مصر.

ومن هنا، قالت الشركات التركية، إنها مستعدة تدخل بكل تقلها في تطوير قطاع الصناعة في مصر عشان نتحول لمركز صناعي إقليمي تنفيذًا لتوجيهات الرئيس عبدالفتاح السيسي.

كمان، تركيا دلوقتي بتعبتر أكبر دولة مستوردة من مصر في الـ3 سنين الأخيرة، وكمان الصادرات الصناعية بتمثل القسم الأكبر من صادرات مصر إلى تركيا، أما الصادرات البترولية فبتشكل نسبة لا تتجاوز 12% من إجمالي صادرات مصر لتركيا.

وحاليًا، مصر بتتطلع لجذب استثمارات تركية جديدة بقيمة مليار دولار خلال 18 شهر وبتشمل قطاعات مختلفة أهمها الملابس والأجهزة المنزلية والكهربائية، عشان يتجاوزالحجم الإجمالي للاستثمارات التركية في مصر 3 مليار دولار، من خلال 1700 شركة.
وأخيرًا، بتيجي 9 شركات جديدة ناوية تستثمر فلوسها في قطاع الغزل والنسيج في مصر، عشان تأكد إن بين مصر وتركيا تاريخ طويل وممتد من الشراكة الاقتصادية المهمة للطرفين.