غاية التعليمية يكتُب.. كلنا عارفين ان الطرق فيها كارته، بس عمرك سمعت أن الهوا كمان فيه كارته، وكارته بالدولار، طيب عمرك سالت نفسك اية اللي استفادته مصر من زيارة حركة عبور الطائرات في الفترة اللي فاتت لمجالنا الجوي..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الفترة اللي فاتت شوفنا كام بيان بيتكلم عن ارتفاع حركة عبور الطائرات للمجال الجوي المصري، وده بسبب الحروب والصراعات اللي كانت موجودة في منطقة الشرق الأوسط، وطبعا جه في ذهنك سؤال وهو اية اللي هتستفاده مصر من الزيادة الكبيرة اللي حصلت في حركة عبور الطائرات فوق المجال الجوي المصري، خصوصا أن لو طيارة فيهم حصلت لها حاجة وقت عبورها عندنا هتكون أزمة كبير لمصر وهتاثر علي انشطة كبيرة خصوصا في المجال الاقتصادي.

طيب اية الفائدة اللي بترجع لمصر من عبور الطائرات للمجال الجوي المصري؟.

في الفترة اللي فاتت وتحديدا بعد حادثة سقوط الطائرة الروسية فوق شبه جزيرة سيناء واللي كانت في 2015، مصر عملت ثورة كبيرة في تطوير وتحديث الأجهزة الملاحية في المطارات وبقي مصر عندنا افضل ابراج ملاحية بتغطي كل شبر في الدولة المصرية، وبقي المجال الجوي بتاعنا علي طول القطر المصري متشاف ومتراقب كويس جدا ولهم لاهداف كبيرة أولها الأهداف السياسية وهي منع دخول العناصر الإرهابية والمسيرات وغيرها من النشاطات العسكرية واللي بقت منتشرة جدا في الفترات اللي فاتت، بسبب الصراعات اللي موجودة في المنطقة العربية واللي كان هدفها الاساسي هو الدخول لمصر.

الهدف الثاني من تطوير الأجهزة الملاحية لمصر، هو مراقبة حركة الطيران فوق مصر واللي ارتفع بدرجة كبيرة جدا في الشهور اللي فاتت بسبب الصراعات الموجودة في منطقة الشرق الأوسط خصوصا أن مفيش شركة هتطير طيارة فوق بلد فيها صراعات، خصوصا أنها ممكن تتعرض في اي لحظة لضربة جوية توقعها وفي اللحظة دي الشركة هتخسر طيارتها وأطقم الضيافة اللي موجودة عليها ده غير التعويضات الكبيرة اللي هتدفعها للركاب.

طبعا انت دلوقتي بتقول اية اللي كسبته مصر من الطيارات دي.. لا مصر كسبت وكسبت كتير جدا كمان، خصوصا أن مصر بتحصل فلوس وبالدولار من كل طيارة بتعدي فوق المجال الجوي بتاعتنا والفلوس دي مصر بتحصلها من المنظمة الدولية للطيران المدني ودي المنظمة المسئولة عن تنظيم حركة الطيران المدني فوق كل دول العالم، وطبعا حركة الطيران بتكون متراقبة والطيارات لما بتدخل اي مجال جوي بتدفع رسوم علشان تعدي من علي الدول.، والرسوم دي بتوصل لنسبة 1% من قيمة الفاتورة، والنسبة دي بيتم تحميلها علي المسافرين في تذاكر السفر، مش شركات الطيران اللي بتشيلها، وفي الفترة اللي فاتت وصلت إيرادات مصر من حركة عبور الطيارات فوق اجوائنا لأكثر من 950 مليون جنيه نتيجة تنظيم تحصيل رسوم خدمة عبور الطائرات من قبل المنظمة الدولية للطيران.