غاية التعليمية يكتُب.. يا ترى هي ليه المنطقة الاقتصادية لقناة السويس بقت قبلة المستثمرين، وهل هي باب مفتوح لجميع الاستثمارات سواء محلية أو عالمية، طب إيه آخر المشروعات اللي بتنفذ فيها في الفترة الأخيرة.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الوقت اللي أعلن فيه الفريق أسامة ربيع، رئيس هيئة قناة السويس، قرب عودة حركة الملاحة في قناة السويس، والمشروعات نازلة ترف على المنطقة الاقتصادية للقناة.

والفريق ربيع، قال في الساعات الأخيرة، إنه اجتمع مع ممثلي 23 خطّ ملاحي، وبحث معاهم عودة السفن بكامل طاقتها للعبور من قناة السويس تزامنًا مع توقف هجمات الحوثيين على السفن، خاصة وإن عودة المرور هتكون مفيدة للطرفين، سواء شركات أو القناة نفسها، بسبب ارتفاع تكلفة العبور عن طريق رأس الرجاء الصالح، ومطالبة البحارة برفع أجورهم بسبب طول الرحلة، ومش بس كده ده كمان الشركات التجارية حققت خساير كبيرة بسبب اللجوء إلى طريق رأس الرجاء الصالح بدلا من قناة السويس، عشان كده متوقع عودة القناة تدريجيا لاستعادة معدلات المرور منها في الربع الأول من السنة دي 2025، عشان توصل للذروة مع نهاية السنة.

وطبعا، الكلام ده انعكس بشكل كبير على المنطقة الاقتصادية لقناة السويس، واللي قدرت تجذب مستثمرين عالميين، خاصة وإن مجلس إدارة الهيئة العامة للمنطقة الاقتصادية، اعتمد 4 مشروعات  جديدة في قطاعات الغزل والنسيج والملابس الجاهزة والصناعات المعدنية، بإجمالي استثمارات وصلت لمليار و843.5 مليون دولار.

وقايمة المشروعات دي، بتبدأ بمشروع لشركة تركية اسمها "إروجلو جلوبال"، وهي مختصة بتصنيع الملابس الجاهزة ومنتجات الجينز، واستثماراتها بتتخطى 40 مليون دولار، وكمان هتقدر تشغن 2000 عامل، ومخطط تنفيذ المشروع ده بنهاية شهر مارس الجاي.

كمان، من ضمن المشروعات، مشروع لشركة "Eroglu Knitting" واللي مجال إنتاجها هو الغزل والنسيج والأقمشة والملابس الجاهزة، وتكلفته الاستثمارية بتوصل ب 180 مليون دولار.

ونقدر نقول إن المشروع ده بيوفر 5 آلاف فرصة عمل مباشرة، وهيخصص  بعد التشغيل الفعلي له 70% من الإنتاج للتصدير، يعني هيجذب عملة صعبة بشكل كويس جدا.

ومشروعات المنطقة الاقتصادية بتشمل كمان، مشروع لصناعة المنسوجات المنزلية لشركة "شنغهاي هونر" الصينية، واللي هتصنع السجاد والستائر وأغطية السرير والبطاطين وغيرها، وبتستهدف نسبة تصدير للخارج 100%، وبتبلغ استثمارات المصنع حوالي 3.5 ملايين دولار، وكمان بيوفر 300 فرصة عمل مباشرة.

كل ده، بجانب مشروع شركة "جيانجسو جوتاي" الصينية لصناعة الملابس الجاهزة، واللي بتوصل تكلفته الاستثمارية ل 10 مليون دولار، وهيوفر المشروع ده 2000 فرصة عمل مباشرة، وبيخصص 100% من منتجاته للتصدير الخارجي.

ومن ضمن المشاريع برضو، هو مشروع شركة "شين فينج إيجيبت، واللي هيكون أكبر مجمع صناعي متكامل للصناعات المعدنية بمنطقة السخنة، عشان يخدم قطاعات صناعة السيارات والأجهزة المنزلية، وبتوصل  استثمارات المشروع ده ل 1.65 مليار دولار، وهيوفر أكثر من 3500 فرصة عملة.

ونقدر نقول إن من ضمن المكاسب الاقتصادية للمشروعات دي، مش إنها بس بتستهدف تلبية احتياجات السوق المحلية من المنتجات اللي كانت عبئ كبير على الفاتورة الاستيرادية، لأ ده كمان هتقدر تعزيز الصادرات للأسواق الإقليمية والعالمية، وتوفر عملة صعبة للبلد.

كمان، المشروعات دي هتوفر آلاف فرص العمل للشباب، وهتعزز مناخ الاستثمار الأمن في مصر، عشان تبقى المنصة الاقتصادية لقناة السويس  رهان ناجح لأي مستثمر.