غاية التعليمية يكتُب.. ليه بعض البنوك قررت وضع شروط جديدة للاقراض بالدولار؟ وهل الموضوع ليه علاقة بتصرفات غير شرعية او الاعيب بيحاول يمارسها البعض؟ وااى التحرك ده هيكون ليه دور مهم جدا فى وقف نزيف الدولار؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الأيام اللي فاتت ومع التطورات الاقتصادية اللي بتحصل حوالينا.. البنوك في مصر قررت تطبق شروط جديدة لأي حد عايز ياخد قرض بالدولار.. وفى الفيديو ده هنقولك ليه الشروط دي اتغيرت وهل ممكن تأثر عليك.

الشروط الجديدة بتقول إنك لازم تثبت إنك فعلاً محتاج القرض بالدولار علشان تخلص بيه التزامات خارجية… يعني لازم تقدم أوراق واضحة وصريحة إن الفلوس دي رايحة مثلاً لسداد مصاريف تعليمية أو علاجية برة مصر أو لشراء مستلزمات إنتاج أو معدات مش موجودة هنا.

و لو القرض ليه علاقة بأي حاجة جوة مصر زي إنك مثلاً عايز تشتري حاجة بالسوق المحلي يبقى البنوك مش هتديك القرض بالدولار..  في الحالة دي الحل الوحيد إنك تاخده بالجنيه المصري.. وده لأن التعاملات كلها داخل مصر بالجنية وهو العملة الرسمية فى اى تعاملات.

طب ليه أصلاً الشروط دي؟
البنوك والمصارف في مصر بتقول إن الهدف الأساسي هو تنظيم سوق الصرف الأجنبي ومنع أي تعاملات غير رسمية بالدولار.. بمعنى أصح الحكومة والبنك المركزي عايزين يحصروا استخدام الدولار داخل الجهاز المصرفي الرسمي فقط.

وده جاي بعد ممارسات ظهرت الفترة اللي فاتت زي إن بعض الشركات زي شركات العقارات وشركات العربيات بقوا يطلبوا إن الدفع يبقى بالدولار بدل الجنيه المصري.. وده كله بدأ بعد أزمة نقص الدولار اللي حصلت من سنة 2022.

خل الاجراءات دي مرتبطة بتحركات تانية؟
الإجراءات الجديدة دي مجتش فجأة.. دي جزء من خطة اقتصادية أكبر مصر شغالة عليها.. الخطة دي مرتبطة بالتزامات مع صندوق النقد الدولي واللي بتركز على تطبيق نظام سعر صرف مرن..

 وده معناه إن سعر الدولار والجنيه بيتحدد على حسب العرض والطلب مش على حسب سعر ثابت بتحدده الدولة ومن ضمن الخطة دي كان فيه قرارات زي السماح للبنوك تمول استيراد سلع غير أساسية..ورفع حدود استخدام بطاقات الائتمان بالعملة الأجنبية.. وتنظيم استخدام دولار السياحة والصادرات علشان كله يبقى تحت عين البنوك.. وكل القرارات دي هدفها تقليل الضغط على سوق الدولار وضمان إنه ما يحصلش أزمة جديدة زي اللي فاتت.

طب  هل دي قيود على حركة الدولار زي ما في ناس بتحاول تروج ؟
بالعكس.. كل المصادر المصرفية بتقول إن الموضوع مش قيود لكنه تنظيم.  بمعنى إنك لو عندك سبب حقيقي وضروري للدولار هتاخده.. لكن مش لأي غرض داخلي أو تخزين. وده علشان يحافظوا على الاستقرار خاصة بعد الضغط الكبير اللي حصل على العملة الأجنبية خلال الفترة اللي فاتت.

إزاي ده ممكن يأثر عليك؟
لو عندك التزامات خارجية ..زي مصاريف دراسة أو علاج.. لازم تكون جاهز بكل المستندات المطلوبة وتراجع البنك اللي هتتعامل معاه.. ولو بتخطط لأي استثمارات أو مشتريات محلية اعتمد على القروض بالجنيه المصري لأن الدولار مش هيكون خيار متاح.