غاية التعليمية يكتُب.. كل يوم بنسمع عن اخبار دخول الطاقة المتجددة علي الشبكة الموحدة للكهرباء وكان اخرهم محطة أبيدوس للطاقة الشمسية في أسوان.. ياتري المحطات دي بتضيف اية لمصر.. واية الاستفادة منها لشبكة الكهرباء.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الفترة الحالية الحكومة شغالة بقوة كبيرة جدا علي قطاع الكهرباء وكل يوم بنسمع عن دخول محطات جديدة للطاقات الجديدة والمتجددة علشان تضيف طاقات جديدة للشبكة الموحدة للكهرباء.
وزارة الكهرباء والطاقة المتجددة شغالة هيا كمان علي تأمين التغذية الكهربائية للمواطنين من مصادر الطاقة المتجددة وكان اهم الشغل ده اللي افتتحه امبارح الدكتور مصطفي مدبولي رئيس مجلس الوزراء من محطة أبيدوس في أسوان بقدرة 500 ميجاوات ودي انتاجها بيعادل ربع انتاج السد العالي من التيار، وده أول تعاون بين وزارة الكهرباء والطاقة المتجددة مع المستثمرين الأمارتيين ، وفي الفترة اللي جاية هيكون في محطة جديدة برضوا بالتعاون بين الدولة والشركاء الامارتيين، ودي واحد من جدول طويل من الاتافيات وقعته الحكومة مع الشركاء الدوليين .
الطاقات اللي بتضفيها الدولة المصرية حاليا هدفها تأمين التغذية الكهربائية للمواطنين، وحاليا الحكومة بتجهز نفسها لفصل الصيف اللي جاي، علشان الدولة مترجعش تطبيق خطة تحفيف الأحمال مرة تانية خصوصا أن الحكومة ممثلة في الدكتور مصطفي مدبولي رئيس مجلس الوزراء أعلن عدم العودة لتطبيق خطة تخفيف الأحمال بشكل نهائي .
طيب اية اللي بتعمله في قطاعات الطاقة الجديدة والمتجددة؟.
الدكتور محمود عصمت وزير الكهرباء والطاقة المتجددة، قال أن الوزارة شغالة فى ضوء استراتيجية طموحة ومتكاملة من خلال خطط تنفيذية محددة لتعظيم الاستفادة من الثروات الطبيعية من الطاقات المتجددة، والاستراتيجية دي قائمة علي تعظيم مشاركة الطاقة المتجددة في مزيج الطاقة علشان توصل لـ ٤٢% في ٢٠٣٠ وهتوصل لـ ٦٠% بحلول عام ٢٠٤٠،وده هيكون بالشراكة والتعاون مع القطاع الخاص.
وزير الكهرباء قال كمان أن الدولة بتدعم التصنيع المحلي وتنمية الصناعات فى كل المجالات خصوصا صناعة المهمات الكهربائية وخصوصا المتعلقة بالطاقة المتجددة وتوطين التكنولوجيا الحديثة لتحسين كفاءة الطاقة والحد من الفقد وزيادة مساهمة الصناعة المحلية والارتقاء بجودتها علشان تكون قادرة على المنافسة والتواجد فى السوق العالمية .
عصمت كل كلامه وقال أن الرئيس عبدالفتاح السيسي بيولي اهتمام خاص بالتوسع في مشروعات الطاقة المتجددة وزيادة مساهمتها فى مزيج الطاقة لتقليل العبء على الوقود التقليدي، وده له مردود اقتصادى لتخفيف الضغط على العملة الأجنبية وخفض الإنبعاثات الكربونية، ده غير اهتمام الدولة بالاستخدامات السلمية للطاقة النووية واللي بتعد أحد الدعائم الأساسية لتحقيق رؤية مصر لعام ٢٠٣٠.
وزير الكهرباء قال كمان أن الدولة مهتمة بالمشروع النووي بمحطة الضبعة اللي بيعتبر من أهم وأبرز المشروعات القومية في إطار استراتيجية الدولة لتحقيق التنمية المستدامة، ده غير دخول نظام بطاريات التخزين لأول مرة، وده ادي لتجاح الوزارة في خفض معدل استهلاك الوقود من 182 جرام/ كيلووات ساعة إلى 171 جرام/ كيلووات ساعة وده وفر للدولة 1,2 مليار جنيه شهريا كانت الدولة بتصرفهم كوقود لتشغيل محطات التوليد .