غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
ايه سر التصريحات والرسائل اللي قالها ووجهها الرئيس السيسي للمصريين في الساعات الأخيرة وازاي الرئيس بيحلم بدولة عظمى تودع الفقر والأزمات وإزاي ماشي في الحلم ده لغاية ما ينفذه وايه قصة ال2 تريليون دولار اللي الرئيس قال عليهم.. كل ده هنعرفه مع حضراتكم في الفيديو ده خليكم معانا للآخر .

 
الرئيس السيسي اتفقد في الساعات الأخيرة  مقر أكاديمية الشرطة بعد ما تحولت من مجرد كلية للشرطة لأهم أكاديميات الأمن في المنطقة والعالم وعلى هامش الزيارة أدلى الرئيس السيسي بتصريحات مهمة جدا وكان صريح زي عادته واتكلم عن مجالات وأوضاع كتيرة منها أن مصر محتاجة تصرف من تريليون إلى 2 تريليون دولار في السنة عشان تواكب التطور التكنولوجي والاقتصادي وتبقى دولة عظمى في حين أن الدولة كل ميزانيتها بعدد سكانها الضخم 3 تريليون جنيه والرئيس كان يقصد أن موارد مصر من الدولار لازم تتعاظم لأن الرئيس مش بيقول أرقام وخلاص.

طيب الأرقام والمبالغ الضخمة دي ممكن تتحقق؟
طبعاً تقدر تتحقق وقدامنا تجارب لدول كتير خرجت من تحت الركام وحققت دا زي ألمانيا وكوريا الجنوبية واليابان لكن الموضوع محتاج قبل الموارد والامكانيات والثروات لفكر وتخطيط علمي ودولة زي اليابان تقريبا مفيهاش مورد طبيعي واحد أو ثروات لكن اعتمدت في التقدم على العلم والابتكار والعمل الشاق وقبل دا كله كانت عارفة عاوزة إيه ومخططه لكل مرحلة كويس جدا ودا اللي كان ناقص مصر التخطيط وحسن استغلال الموقع والامكانيات والثروات ودا اللي بدأ يتحقق في عهد الرئيس السيسي لأول مرة في تاريخ مصر يكون فيه خطط طموحة وإصرار على النجاح.

وبدأ الرئيس السيسي من حيث انتهى الآخرون وبدأ يبني دولة حديثة بتعتمد على بنية تحتية متطورة وقوية قادرة على استيعاب اقتصاد واسع ومتنوع فعمل الطرق والمحاور والمواني وانشأ محطات الكهرباء بكل أنواعها واضاف ملايين الأفدنة للرقعة الزراعية وبني المدن وهييء الظروف لدخول الاستثمارات الضخمة من الخارج وفتح الطريق للقطاع الخاص عشان يشارك في التنمية وقرر توطين الصناعة الحديثة والتكنولوجيا وعمل مناطق ومدن صناعية كتير ودي كانت مجرد بداية أو أول خطوة في طريق الألف ميل.

السيسي قرر إعادة اكتشاف مصر إذا جاز التعبير بمعني إعادة اكتشاف الإنسان المصري والمواهب عن طريق منظومة تعليم متطورة تعتمد على احتياجات السوق وشفنا إزاي الرئيس طالب أكتر من مرة الشباب بقراءة سوق العمل الحديث وطالب الحكومة بربط التعليم بسوق العمل الجديد اللي بيعتمد على التكنولوجيا الحديثة والذكاء الاصطناعي والبرمجة عشان مصر تلحق ركب الدول المتقدمة لأن التعليم الجيد هو كلمة السر في نهضة كل الدول الغنية وغير كده يبقي بنخدع نفسنا.

الرئيس السيسي طالب كمان المصريين باليقظة لمخططات الفتنة ودعوات الهدم لأن الدول اللي بتوقع مش بتقوم تاني في إشارة لموجة الأكاذيب والاشاعات اللي بتستهدف هدم الدولة مستغلة الأوضاع اللي حولينا من كل ناحية لاختراق مصر بكل الطرق وضرب الرئيس السيسي مثل بالاشاعات اللي منتشرة على مشروع العاصمة الإدارية الجديدة وأنها هي سبب الأزمات الاقتصادية وقال إن الدولة مدفعتش مليم من خزينة الدولة على المشروع وحتى مقارات الحكومة متأجرة لشركة العاصمة الإدارية الجديدة واللي هي تابعة للدولة يعني مفيش أي مظاهر لإهدار المال العام.

مصر لو استمرت في خطط التنمية الاقتصادية المستدامة في كل المجالات هتوصل في يوم من الايام لمستوى الدول العظمى وتقدر تحقق اكتر من 2 تريليون دولار في السنة.