غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

يا ترى لو أنت عايز تشطب شقتك ومزنوق في الفلوس، تعمل إيه، وهل في بنوك معينة بتقدم قروض تشطيب الشقة 2025، والقرض ده بيكون لحد كام، وإزاي تاخده بأسهل الطرق الممكنة.. هنقولك كل التفاصيل في التقرير  ده فتابعنا للآخر.
 

قطاع عريض من المواطنين بيدوروا على إجراءات الحصول على قرض لتشطيب الشقة أو الوحدة السكنية أو المحل التجاري الخاص بهم، وأكيد ضمن عروض البنوك الكتير، فبيدرول على قرض بأقل عائد ممكن وأطول فترة سداد.

وهو ده اللي بيقدمه بنك فيصل الإسلامي ضمن خدماته المصرفية المتاح الاستفادة منها بعد توافر بعض الشروط في الشخص اللي ناوي ياخد القرش.

عشان كده، كشف بنك فيصل الإسلامي المصري، على صفحته الرسمية على موقع «فيسبوك»، عن مزايا تمويل تشطيب الوحدات السكنية ومواد البناء اللي بيتيحه البنك بأقل عائد تنافسي وأطول فترة سداد بتصل إلى 10 سنوات، بنظام المرابحة الإسلامية.

ومن أهم شروط القرض، هو التمويل بنظام المرابحة الشرعية وفقًا لأحكام الشريعة الإسلامية، وكمان القرض بيوصل ل 500 ألف جنيه لتشطيب الوحدات السكنية ومليون جنيه لتمويل مواد البناء.

والتمويل ده بيصل إلى 90% من تكاليف التشطيب أو البناء، ومدة السداد بتصل ل 10 سنين، بس لازم يكون  الحد الأدنى لدخل العميل 3000 جنيه.

ومن ضمن شروط القرض، إن سن العميل مايقلش عن 21 سنة، وهنا المصاريف الإدارية بتكون 0.5% من قيمة التمويل تدفع مرة واحدة فقط طوال فترة السداد.

وكمان، متاح إمكانية التعامل على الوحدات المؤجرة وفقًا لقانون (الإيجار القديم أو الجديد) بشرط ألا تتجاوز فترة الأقساط مدة الإيجار.

نيجي بقى للمستندات المطلوبة، وهي بطاقة رقم قومي سارية وإيصال مرافق حديث لمحل الإقامة، وكمان شهادة بالراتب الشهري معتمدة من جهة العمل، وبالنسبة لأصحاب الأنشطة التجارية والمهن الحرة يتم تقديم شهادة معتمد من محاسب قانوني بإجمالي الإيرادات السنوية وصافي الدخل.

ضيف على دول، كشف حساب بنكي لمدة 6 شهور (إن وجد)، كمان مطلوب المستندات الخاصة بالوحدة السكنية أو الأرض محل التمويل وتراخيص البناء، وعرض سعر بتكلفة التشطيب / البناء من الجهة الموردة.

ولو حضرتك شايف إنك في احتياج للقرض ده ومستوفي الشروط، جهز ورقك واطلع على أي فرع قريب ليك لبنك فيصل الإسلامي.