غاية التعليمية يكتُب.. أسعار الدهب نزلت تاني، وبشكل كبير كملت عن الفترات اللي فاتت خصوصا أن أسعار الدهب في مصر سجلت ارقام قياسية في الأيام اللي فاتت.. ياتري الذهب هينزل تاني الأيام اللي جاي.. وأمتي الموعد المناسب للشراء

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

أسعار الدهب في مصر رجعت تنخفض تاني وحاليا سعر الدهب كل يوم بيتراجع عن اليوم اللي قبله والدهب دلوقتي في النازل والسعر اللي سجله الدهب مكنش موجود في مصر من فترات طويلة، خصوصا أن المعدن الأصفر في مصر في خلال كام اسبوع فاتوا كان وصل لارقام قياسية موصلش له كن قبل قرارات الإصلاح الاقتصادي في مصر واللي كانت في شهر مارس اللي فات، والقرارات دي كانت خاصة بتحرير سعر صرف الجنية المصري بشكل كامل قدام العملات الأجنبية.

أسعار الدهب في الكام اسبوع اللي فاتوا سجلت ارتفاعات عالمية بشكل كبير جدا وصل سعر الجرام في مصر لعيار 21 واللي هو معروف أنه الاكتر انتشارا ومبيعا في مصر خصوصا في القري والمحافظات وصلت لأكتر من 3800 جنية للجرام، وده سعر مرتفع جدا مقارنة بالاسعار في القاهره و اللي كانت مسجلة أقل من 3000 جنية ونزل كمان تحت الرقم ده ووصل لأقل من 2700 ولكن التطورات العالمية اللي حصلت واللي اقرت علي أسعار الطاقة بشكل عالمي خصوصا الحرب الروسية الأوكرانية واللي تسببت في أزمة عالمية في أسعار الطاقة والغذاء ده غير التغيرات والتوترات الكتيرة اللي بتعيش فيها عدد كبير من دول العالم واللي كان لها تأثير بشكل مباشر علي اسعار الطاقة بشكل عالمي، وطبعا اول تأثير لأسعار الطاقة بيكون علي أسعار المعدن الأصفر.

طيب اية اللي خلي أسعار الدهب ترجع تنخفض تاني في مصر؟.
الانتخابات الأمريكية كان لها تأثير مباشرة علي أسعار الدهب عالمياً خصوصا أن الرئيس الأمريكي المنتخب دونالد ترامب وعد أن الدولار هيرجع يأخذ مكانته بشكل طبيعي خصوصا أن الراجع ده معروفة بقوة الاقتصادية وده معروف من فترة رئاسة الاولي للولايات المتحدة الأمريكية، واللي كانت فيها امريكا واحدة من القوي الاقتصادية الاولي في العالم ده أنه مكانتش القوي الاقتصادية الاولي في العالم .
بعد وعد الرئيس الأمريكي المنتخب الجديد ترامب الدهب بدأ يتراجع بشكل كبير جدا خصوصا أن البنوك المركزية في العالم كله بدأت تتخلي عن فكرة الاستحواذ علي الدهب وبدأت تركز علي الدولار اللي عمل انتعاش تاني في الدولار بشكل كامل والدولار رجع لوضعه الطبيعي، وعلشان كده الدهب سعره تراجع بشكل عالمي والتراجع ده انعكس علي الأسعار عندنا في مصر وفعلا أسعار الدهب بدأت تتراجع تاني وحاليا مسجل 3685 للجرام 21 واللي هو الأكثر انتشاراً ومبيعا في مصر.

شعبة الذهب وجهت نصيحه للمواطنين اللي عايزين يستثمروا فلوسهم في الدهب في النزول بسرعة لشراء المعدن الاصفر والاسعار مش هتنزل تاني واللي جاي هيكون أسعار مختلفة واعلي من دي تماما، وكمان نصحت الناس اللي حاطين فلوسهم كاستثمارات  في الدهب بعدم التسرع وبيع الدهب في الوقت الحالي خصوصا أن أسعار الدهب مسجله أقل مستوي لها في مصر، وان الفترة اللي جاية الدهب سعره هيرفع تاني وبشكل كبير خصوصا اننا داخلين علي بداية سنة ميلادية جديدة، وفي اجتماع قريب للجنة السياسات النقدية للبنك المركزي واللي متوقع أنها تخفض اسعار الفايدة علي الإقراض والإيداع، ده غير قرب انتهاء شهادة ال 27% من البنوك واللي طرحت في أول السنة الحالية .