غاية التعليمية يكتُب.. مصر قالت كلمتها ورسمت الخطة علشان تتخلص من الديون، ياتري اية هيا الخطة دي.. وازاي الحكومة هتتخلص من الديون اللي عليها.. والديون اللي علي مصر بتوصل لكام اصلا.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الدكتور مصطفي مدبولي طلع من كام ساعة واتكلم عن الدين الخارجي، وقال أنه تراجع للحدود الأمنة، وده بعد ما الحكومة عطت اهتمام خاص بسداد الالتزامات المالية الموجودة عليها وفعلا ده اللي حصلت والحكومة قدرت أنها تسدد خلال السنة اللي فاتت بأجمالي 38.7 مليار دولار في 2024، وده كان تحدي كبير جدا للحكومة المصرية منهم 7 مليار دولار سددتهم الحكومة في نوفمبر وديسمبر  2024.

الدكتور مصطفي مدبولي رئيس مجلس الوزراء قال أن الحكومة ملتزمة بسداد  كل الالتزامات المالية الموجودة ومش هتتحلف يوم واحد عن سداد المستحقات الموجودة عليها.

طيب مصر هتسدد كام من ديونها السنة دي وامتي هنتخلص من الديون اللي علي مصر ؟.
بحسب جدول سداد الدين الخارجي، فالحكومة هتكون ملزمة بسداد 9.3 مليار دولار في النصف الأول من 2025 و 5.8 مليار دولار في النصف الثاني من نفس العام، وفي 2026 الحكومة هتكون ملزمة بسداد 6.6 مليار دولار خلال النصف الأول من السنة، و 10.2 مليار دولار خلال النصف الثاني.

الالتزمات الخارجية علي مصر مش واقفة علي الديون الخاصة بصندوق النقد الدولي، وفي سنة  2026، الحكومة هتكون ملزمة بسداد وديعة سعودية بقيمة 5.3 مليار دولار، وحاليا في مفاوضات متقدمة مع السعودية وعدد من الدول العربية زي قطر لتوقيع اتفاقيات استثماري سياحي زي اللي حصل في منطقة راس الحكمة واللي الحكومة وقعت فيها صفقة استثمار سياحي مع الامارات واللي وصلت استثمارتها لـ35 مليار دولار منهم 11 مليار دولار كانوا ودايع للأمارات عندها هنا في مصر.

طيب هل في خطط تانية الحكومة شغالة عليها لتصفير الديون الخارجية للدول ؟.
طبعا في اكثر من طريقة الحكومة شغالة عليها لتصفير الديون الخارجية، واحد من الطرق دي هيا مبادلة الديون اللي موجودة عليها لاستثمارات وتنمية مستدامة، يعني بدل ما الدولة تدفع فلوس من الديون اللي موجودة عليها واللي طبعا بتكون بالدولار، لا الجهات المانحة ليها هتحول الديون دي لاستثمارات مستدامة هتدخل فلوس للجهة المانحة وكمان هتكون وسيلة لمصر علشان تسد النقص في السوق المحلي وكمان التصدير للخارج.

يعني ما ندفع دولار.. لا ده أحنا هندخل دولار لخزينة الدولة المصرية وكمان هنشغل باب من الايدي العاملة، وكمان هيكون عندنا منتج محلي من حاجة السوق المصري محتاجها وكمان هنصدر منتج للخارج وده هيزود الفاتورة التصديرية لمصر وهيقلل من الفاتورة الاستيرادية.

الحكومة خلال الفترة شكلت لجنة وزارية مهمتها التفاوض مع عدد من الدول والتحالفات البنكية اللي لها ديون عندنا لمبادلة الديون المستحقة لهم بحصص ملكية في بعض الشركات المملوكة للدولة بالأسعار العادلة، و الحكومة المصرية بتستهدف من خطتها تحويل ما يقرب من 38% من الديون الخارجية اللي موجودة علي مصر لاستثمارات مباشرة في السوق المصري.