غاية التعليمية يكتُب.. البنوك في مصر بتقدم مجموعة كبيرة من الخدمات المصرفية وغيرها من الخدمات وفيه خدمات بتقدمها البنوك محدش يعرفها كتير .. ياترى ايه الخدمات البنكية اللي ممكن تستفيد منها بعيدا عن الاقتراض والادخار والاستثمار.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

البنوك عالم كبير فيه تطور مستمر وتطور كل يوم وعشان كده فيه منافسة شديدة لتقديم خدمات بنكية متطورة وجديده ومبتكرة علشن تجذب أكبر عدد من العملاء الجدد وتحافظ على العملاء القدامي.

من بين الخدمات دي خدمة إدارة الثروات وفيه بنوك بتتولي  إدارة الثروات للأفراد أصحاب الملاءة المالية العالية، وتشمل الخدمات التخطيط المالي والاستثماري وإدارة المحافظ الاستثمارية،والاستشارات الضريبية. 

وفيه كمان خدمات التمويل الشخصي فبالإضافة إلى القروض التقليدية بعض البنوك بتقدم حدمات تمويل شخصي مخصصة لتلبية احتياجات محددة زي تمويل التعليم أو تمويل السفر أو تمويل المناسبات الخاصة.. وفيه كمان خدمات التأمين المصرفي اللي بتقدمها بعض البنوك واللي بتشمل التأمين على الحياة والتأمين الصحي والتأمين على الممتلكات ودا بجانب الخدمات المصرفية الرقمية زي المحافظ الإلكترونية لتسهيل إجراء المدفوعات والتحويلات المالية بسهولة وأمان عبر هاتفك الذكي وبجانب  الخدمات المصرفية عبر الإنترنت والهاتف المحمول وهي التطبيقات والموقع الالكترونية اللي بتوفيرها البنوك لادارة حساباتك وإجراء المعاملات المصرفية عبر الإنترنت والهاتف المحمول..  وطبعا مش هننسىى خدمات الدفع الإلكتروني للتجار والأفراد واللي بتشمل نقاط البيع الإلكترونية وبوابات الدفع عبر الإنترنت.

البنوك بتقدم كمان خدمات إدارة النقد للشركات زي  إدارة التدفقات النقدية وتحصيل المدفوعات، وإدارة الحسابات بجانب خدمات التمويل التجاري للشركات واللي بتشمل خطابات الاعتماد وخطابات الضمان وتمويل الصادرات والواردات ودا بجانب خدمات الاستثمار المصرفي للشركات واللي بتشمل الاكتتابات العامة وعمليات الاندماج والاستحواذ وتقديم الاستشارات المالية..  وكمان تقديم الخدمات الاستشارية في مجالات مختلفة زي الاستثمار والتمويل والتأمين... وخدمات الصراف الآلي المتقدمة ز دفع الفواتير، وتحويل الأموال والإيداع النقدي.

كمان البنوك بتقدم خدمة تأجير الخزن الخاصة ودي خدمة قديمة ومهمة وعبارة عن خزن حديدية محصنة البنوك بتاجرها حسب العقد مع العميل وكل خزنة ليها مفتاح من نسختين واحد مع العميل والتاني بيكون مع البنك ودي خدمة مهمة لو هتشيل حاجات ثمينة أو أوراق مهمة جدا لانها بتكون في أمان تام في البنك.