غاية التعليمية يكتُب.. في 4 مليار دولار جديدة جاية لمصر في الطريق، ياتري اية حكاية الفلوس دي ومين مصدرها.. وهل دي عبارة عن قروض جديدة مصر هتسدده في الفترة اللي جاية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر في الوقت الحالي اعادة سياستها الخارجية مع عدد كبير من دول العالم اهمهم دول الاتحاد الأوروبي واللي الحكومة نجحت في رفع الشراكة معاهم لمستوى الشراكة الاستراتيجية الشاملة في مارس 2024، ووقتها مجلس الاتحاد الأوروبي اقر حزمة مالية لمصر بقيمة 7.4 مليار دولار لمصر نظير استضافة مصر لأكثر من 9 مليون لاجئ من عده دول كتيرة حوالين العالم في وقت مصر كانت بتعاني تحديات اقتصادية كبيرة بسبب التوترات الجيوسياسية خصوصا الموجودة في منطقة الشرق الأوسط واللي اثرت علي إيرادات قناة السويس واللي تراجعت لأكثر من 70% من الأرقام اللي كانت القناة بتحققها في السنين اللي قبل كده.

في وثيقة نشرها الاتحاد الأوروبي، بتتضمن تقديم تمويل مالي لمصر هيشمل قروض ميسرة حجمها هيوصل لـ5 مليار يورو واستثمارات بقيمة 1.8 مليار يورو، ده غير أن الاتحاد هيقدم منح باجمالي 600 مليون يورو لمصر منهم 200 مليون يورو دول هيكونوا مخصصين لمواجهة مشكلات الهجرة، وفعلا مصر في الشهور اللي فاتت استقبلت الدفعة الأولي من اتفاقية ترفيع العلاقات مع الاتحاد الأوروبي ووصلت قيمة الدفعة دي لمليار يورو، وخلال الفترات اللي جاية هتوصل باقي الدفعات اللي اقرها الاتحاد الأوروبي تباعا.

طيب اية حكاية الـ4 مليار يورو اللي جايين ومين اللي هيدفعهم؟

مصر حاليا في انتظار وصول شريحة جديدة من دعم الاتحاد الأوروبي لمصر، وهتوصل الشريحة الجديدة لـ4 مليار يورو، ودي جاية ضمن حزمة تمويل الاتحاد الأوروبي لمصر، وحاليا الحكومة في انتظار التصويت علي صرف الشريحة الجديدة في البرلمان الأوروبي واللي هيعقد اجتماعه خلال الأسابيع اللي جاية.

طيب الحكومة هتعمل اية بالفلوس الجديدة واية الفايدة اللي هترجع علي الاقتصاد المصري منها..
الاتحاد الأوروبي أكد إن التمويل بيتم تقديمه لمصر بيكون مخصص للاستثماره في قطاعات استراتيجية زي الطاقة النظيفة والتصنيع، والأمن الغذائي ودي كلها مجالات بتعتبر حيوية جداً لأي اقتصاد بيحاول يخرج من أزمة.

وزي ما أحنا عارفين أن مصر بدأت من فترات طويلة بدأت برنامج إصلاح اقتصادي كبير، وبرنامج الإصلاح الأقتصادي دي قائم بشكل كامل علي اعادة تاهيل البنية التحتية في مصر علشان مصر تقدر تستقطب عدد كبير من الاستثمارات ورؤوس الأموال الأجنبية للدخول للسوق المصري، والنوع ده من القروض بيكون هدفها خلق بيئة أعمال قوىة وتشجيع الاستثمارات الخاصة وتوفير فرص عمل جديدة للشباب، وكمان بتدخل في مجالات الطاقة الجديدة والمتجددة واللي بتهدف لتقليل الاعتماد على مصادر الطاقة التقليدية وزيادة التوسع في مجالات الطاقة الجديدة، وكمان علشان الاقتصاد المصري يكون اكثر قدرة علي مواجهة التحديات الاقتصادية.