غاية التعليمية يكتُب.. الفترة دي مصر علي أبواب مرحلة جديدة من التصنيع، والمنتج بتاعها هيكون عليه طلب عالمي.. ياتري اية حكاية المنتج الجديد اللي مصر هتصنعه وأية اهمية في الوقت الحالي.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كلنا طبعا متابعين الخطوات اللي بتقوم بيها كل دول العالم للتحول للاقتصاد الأخضر والطاقة النظيفة والحد من الانبعاثات الكربونية، وزيادة مساهمة الطاقة النظيفة في الطاقة الكهربائية اللي بتستخدمها في حياتنا خصوصا أن الطاقات الجديدة في الوقت الحالي بقت أكثر أمان بالنسبة للبيئة وكمان عمرها الافتراضي كبير جدا وبيوصل لـ25 سنة ويمكن اكثر، ده غير أنها علي المدي البعيد مش مكلفة لأنها بتكون شغالة أما بطاقة الشمس أو طاقة الرياح.

مصر واحدة من الدول اللي حطت استراتيجية للتوسع في استخدامات وزيادة توليد الكهرباء من مصادر الطاقة النظيفة، والخطة اللي حطتها مصر بتستهدف الوصول بحجم الطاقات الجديدة والمتجددة لـ40% من حجم الطاقة المستخدمة في 2030 ومستهدف كمان الوصول بحجم الطاقة المستخدمة لـ60% بحلول 2040، وعلشان مصر توصل للرقم ده كان لازم أن الدولة توطن انتاج وتصنيع المنتجات اللي بتدخل في بناء وتشغيل محطات توليد الكهرباء سواء كانت من الشمس أو الرياح، خصوصا أن استيراد الحاجات دي وقطع غيرها من الخارج بيكون بالدولار ومكلف وسعره غالي جدا.

طيب اية اللي بتعمله الحكومة علشان توطين تصنيع منتجات محطات توليد الطاقات الجديدة والمتجددة؟.
خلال الفترة اللي فاتت، وضمن جهود الدولة لدخول الاستثمارات ورؤوس الأموال الأجنبية للسوق المصري، الحكومة استهدفت دخول كبري الشركات العالمية في مجالات تصنيع مهمات محطات توليد الطاقة المتجددة، وفعلا الحكومة جلت لها طلب من شركة من أكبر 3 شركات في العالم للدخول والاستثمار في مجال تصنيع الألواح الطاقة الشمسية واللي بتعد من اكثر القطع تكلفة دولارية من الخارج، والعرض ده كان من شركة سينجين نيو كيبينج تكنولوجي الصينية واللي هيوصل اجمالي الاستثمارات المخصصة له لـ700 مليون دولار، وهتعمل أول مصنع لها لتصنيع زجاج الألواح الشمسية في المنطقة الاقتصادية لقناة السويس. 

رئيس مجلس الوزراء الدكتور مصطفي مدبولي من كام ساعة عقد اجتماع مع وفد الشركة، وأكد له أن الحكومة المصرية بتستهدف توطين صناعة زجاج الألواح الشمسية في مصر وده في أطار خطة الحكومة لتصنيع مكونات محطات الطاقة المتجددة في السوق المصرية، وأكد كمان أن الحكومة مستهدفة لتقديم كل التسهيلات اللازمة لدخول الشركة الصينية للسوق المصري سواء كانت من تخصيص الأراضي اللازمة لاقامة المشروع أو الحصول علي التراخيص اللازمة لبناء وتشغيل مصنعهم الأول في مصر والشرق الأوسط، ده غير المزايا والإمكانات المُهمة اللي بتتمتع بها السوق المصرية على مستوى الموقع الجغرافي وتوفير المواد الخام والدعم الحكومي الكبير اللي بتُقدمه للشركات الأجنبية، وأصدر توجيهات مباشرة بسرعة التواصل مع وزيري الكهرباء والبترول لتدبير الإمدادات اللازمة للمشروع.