غاية التعليمية يكتُب.. يا ترى هي إزاي وزارة البترول بتدعم المستثمرين والشركاء الدوليين سواء في أعمال الحفر ولا الاستكشاف ولا حاجة تانية مختلفة، إيه هي التسهيلات أو أشكال الدعم اللي بتقدمهالهم، ويا ترى الدعم ده مؤقت ولا مستمر، وهينعكس إزاي على تنمية إيراداتنا من قطاع الطاقة وخطة التنمية. 
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

واضح كده إن وزارة البترول ناوية توسع قاعدة الاستكشاف في ملفات الغاز والبترول والزيت في الفترة الجاية، عشان كده بتكون حريصة على التواصل المستمر مع الشركات العالمية صاحبة الامتيازات دي في مصر عشان تتطلع على خريطة الإنتاج وتاكد على التوجه الجديد بزيادة أعمال البحث والاستكشاف عشان نعزز الإنتاجية.

ومن هنا، التقى وزير البترول والثروة المعدنية المهندس كريم بدوي، بليندا كوك، الرئيس التنفيذي لشركة "هاربور إنيرجي" البريطاني على هامش المشاركة في مؤتمر 2025 CeraWeek  العالمي للطاقة بمدينة هيوستن بولاية تكساس الأمريكية، واستعراض الوزير سبل تعزيز التعاون المشترك في مجال البحث والاستكشاف، وكمان خطط زيادة إنتاج الغاز الطبيعي من مناطق امتياز الشركة في مصر.

واللقاء ده شهد الاطلاع على آخر التطورات بخصوص أنشطة الحفر الناجحة مؤخرا بالبحر المتوسط شمال الإسكندرية، واللي لتستثمر فيها الشركة في مصر كشريك لشركة بريتش بتروليوم المُشغل الرئيسي، وكمان الوزير أكد على أهمية الإسراع في عمليات التنمية للاكتشافات الجديدة وسرعة ربطها على التسهيلات القائمة، عشان يخفض من تكاليف الإنتاج ويقلل من زمن وضع الآبار على الإنتاج.

وفي حالة تطبيق الخطة دي، فهيتم تحقيق الاستفادة المثلى في دعم الإنتاج المحلي من الغاز الطبيعي، وكمان تنمية إنتاجية الحقوق، وخاصة زيادة إنتاج الغاز الناجحة في حقل ريفين بالبحر المتوسط بالشراكة مع بريتش بتروليوم.

و الشركة البريطانية أكدت اهتمامها بزيادة حجم استثماراتها في مصر، بما يتماشى مع إستراتيجية وزارة البترول والثروة المعدنية المصرية، وواضح كده انها هتعزز خطة العمل بتاعتها عشان تناسب الإنتاجية الجديدة المستهدفة في الفترة الجاية.

كمان، وزارة البترول حريصة جدا على دعم الشركاء الدوليين والمستثمرين في قطاعات البحث عن مصادر الطاقة واستكشافها، وتحديدا  شركة "هاربور إنرجي"، وكمان الحكومة المصرية ملتزمة بتقديم كافة أدوات وسبل الدعم للمستثمرين والشركاء الدوليين، وده بيتم من خلال توفير بيئة استثمارية محفزة وتسهيل الإجراءات الداعمة لزيادة الإنتاج، وكمان تحقيق أقصى استفادة من الثروات البترولية والغازية وفق علاقات متوازنة تحقق المصالح المشتركة.

ومش بس كده، الحكومة كمان ممثلة في وزارة البترول بتتطلع لتعظيم شركة "هاربور" لأعمالها في قطاع الاستكشاف وتنمية الحقول في مصر، وحاليا بتدرس طلبات الشركات بالتوسع في أعمال البحث والاستكشافات الجديدة عشان نقدر نستغل ثرواتنا بأفضل وسيلة ممكنة، ومن ناحية تانية نحفز مناخ الاستثمار ونشجع أي مستثمرين في العالم على العمل في مصر.

وده معناه إن في فوايد ومكاسب اقتصادية كتيرة جاية لمصر من باب البحث والاستكشاف عن مصادر الطاقة، واللي هي لوحدها كفيلة تكون قاطرة التنمية المستدامة وتنقل الاقتصاد المصري لحتة تانية خالص.