غاية التعليمية يكتُب.. علق  عدلي القيعي، رئيس شركة الكرة في الأهلي، عن نظرة مارسيل كولر، مدرب الفريق، لماتشات الزمالك، وسبب تعامله مع لقاءات القمة على إنها 50/50، رغم إن جمهور الأهلي شايف إن الفريق أقوى بفرق واضح.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

وقال القيعي: "كولر مدرب مش مشجع، المشجع ممكن يقول إحنا أحسن، لكن المدرب لازم يشوف كل حاجة بموضوعية، يبص على المنافس، يحدد مميزاته وعيوبه، ويستعد لإنه هيواجه نسخة مختلفة من الزمالك عن اللي الناس متوقعاها.. خصوصًا في ماتشات القمة، الزمالك بيدي كل اللي عنده".

وأضاف: "بص على آخر 7 أو 8 سنين، كل مرة الزمالك يكون عنده مشاكل ونجوم بتسيبه، بيحقق أحسن نتائجه.. خد الدوري مرتين بعد ما سابوا نجوم كبار زي فرجاني ساسي وحمدي النقاز".

وعن مكانة الأهلي والزمالك في الكرة المصرية، قال القيعي: "الأهلي والزمالك حاجة راسخة في وجدان الجمهور المصري، مهما اختلفت الظروف والثقافات والرؤية حوالين الناديين، محدش يقدر يزحزحهم.. زمان إنبي والإسماعيلي حاولوا ينافسوا، ودلوقتي بيراميدز بيحاول، بس النجاح ده دايمًا مؤقت، وإلا يبقى في خلل والزمالكاوية نفسهم لازم يشوفوا حل ليه".

واختتم كلامه برسالة تحذيرية للزمالك، قال فيها: "لو اقتنعت إن دي مكانتك، تبقى بداية الخطورة".