غاية التعليمية يكتُب.. ايه التطورات الجديدة في منطقة القنطرة غرب الصناعية وإزاي المنطقة هتتحول لرأس الحربة للاقتصاد المصري ومركز صناعي عالمي وايه سر التنافس الصيني التركي للاستثمار فيها.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ليه رجعنا نتكلم تاني عن منطقة القنطرة غرب بمحافظة الاسماعيلية.. شوف حضرتك لأن كل يوم الصورة بتوضح اكتر والمنطقة مش مجرد تجمع صناعي جديد في مصر لكن الحكاية اكبر من كده بكتير وإن المخطط أن المنطقة تتحول لرأس حربة قوي للاقتصاد المصري كله وانطلاقة طخمة في الصناعة ومركز عالمي في التصنيع والتجارة والتصدير ودا بفضل موقعها الجغرافي المتميز.

لكن حكاية القنطرة غرب بدأت امتي؟.. شوف حضرتك قبل سنتين بس كانت منطقة القنطرة غرب الصناعية بتعاني من  مشاكل كتير جدا زي ارتفاع منسوب المياه الجوفية قبل ما تنجح المنطقة الاقتصادية لقناة السويس في تحويلها إلى قبلة للاستثمارات العالمية ودا بفضل موقعها الاستراتيجي على الضفة الغربية لقناة السويس زي ما قلنا بجانب قربها من محافظات الدلتا وسيناء وقربها من المواني الكبيرة في المنطقة وخطوط التجارة الدولية ودا خلاها وجهة مفضلة للاستثمارات الصناعية خاصة في مجالات المنسوجات والملابس الجاهزة والصناعات الغذائية وصناعة الأجهزة الطبية وفي وقت قصير جدا المنطقة جذبت استثمارات باكتر من  542 مليون دولار  ودي طبعا مجرد بداية لمنطقة بدأت تنهض من شهور قليلة.

وخلال 20 شهر بس المنطقة وقعت اتفاقيات لإنشاء 15 مشروع صناعي جديد من الصين وتركيا وتايلاند زي مصنع “أروغلو نيتنج” التركي باستثمارات 120 مليون دولار لإنشاء مصنع متخصص في الملابس الجاهزة على مساحة 100 ألف متر مربع وبطاقة إنتاجية تصل إلى 30 مليون قطعة سنويا ويوفر 5 آلاف فرصة عمل وكمان مصنع “أروغلو إيجيبت” التركي باستثمارات 51 مليون دولار ويهدف إلى إنتاج الملابس الجاهزة مع تصدير 70% من إنتاجه للأسواق الأوروبية، ويوفر اكتر من 5 فرصة عمل وكمان مصنع “هنجشنج” الصيني  باستثمارات 70 مليون دولار وبيعتبر واحد من أكبر المشاريع الصينية في المنطقة ومتخصص في صباغة وتجهيز وطباعة الأقمشة على مساحة 200,000 متر مربع وبيستهدف تحقيق 300 مليون دولار مبيعات سنوية ويوفر 1,500 فرصة عمل.

ببساطة كده نقدر نقول إن القنطرة غرب هي المستقبل في منطقة القناة كلها وهي ذراع قوي من اذرع المنطقة الاقتصادية لقناه السويس واللي بتستعد دلوقتي عشان تكون قوة صناعية مصرية ضخمة ومركز عالمي لجذب الاستثمارات الأجنبية وعملاق مصري في صناعة المنسوجات و الملابس الجاهزة والأغذية لتغزو أسواق العالم بمنتجات تحمل شعار “صنع في مصر” ومورد كبير للنقد الأجنبي واكتشاف مزيد من المناطق الخاصة في مصر واستغلالها افضل استغلال وزي ما قلنا قبل كده إن موقع مصر الجغرافي هبة ومنحة وكنز من كنوزها الكتيرة.