غاية التعليمية يكتُب.. هو إيه قصة المشروع الصيني اللي هيعمل قلبان في المنطقة الاقتصادية لقناة السويس.. وهيكون تابع لأي دولة.. وإيه هي المكاسب الاقتصادية اللي هيحققها، وإيه المستهدف منه؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر كل يوم بتنور أكتر في ملف الاستثمارات وبتحقق الصدارة في الأسواق الناشئة وأفريقيا وبتجني تعب السنين للي فاتت واللي راحت في بناء بنية أساسية حديثة  وكل يوم بنشوف ونسمع عن مشروعات عملاقة في كل القطاعات .. وفي الساعات الأخيرة على سبيل المثال تم وضع حجر الأساس لمشروع "دي سيتا" الصينية للإكسسوارات والملابس الجاهزة في بلقنطرة غرب باستثمارات 40 مليون دولار للمرحلة الأولى.

والمشروع ده تابع لشركة "دي سيتا- Di Seta " الصينية، وهيكون متخصص في صناعة الإكسسوارات والملابس الجاهزة في منطقة القنطرة غرب الصناعية التابعة للهيئة، وكمان بتصل التكلفة الاستثمارية للمرحلة الأولى من المشروع 40 مليون دولار.

مساحة المشروع فهتكون 83 ألف متر مربع وهيقدر يوفر 1200 فرصة عمل مباشرة ومخطط يبدأ تشغيله خلال شهر سبتمبر من العام الحالي يعني وقت التنفيذ هيكون سريع.

ونقدر نقول إن المنطقة الاقتصادية لقناة السويس تسير بخطى ثابتة نحو جذب الاستثمار بتستوعب كل الاستثمارات دلوقتي، وبتضم مناطق صناعية كتير لسه بتفتح بابها للمستثمرين، خاصة وانها حاليا بتمتلك 4 مناطق صناعية بالسخنة وشرق بورسعيد والقنطرة غرب، وشرق الإسماعيلية؛ وكل واحدة منها بعدد متخصصة في القطاعاات الصناعية المستهدف توطينها، وبتختلف الصناعات والأنشطة اللي فيها تبعًا للموقع الجغرافي وتوافر مواد خام محددة اللي بتخدم الصناعة.

كمان، المنطقة الاقتصادية نجحت في استقطاب 15 مشروع لمنطقة القنطرة غرب الصناعية  لحد دلوقتي، على مساحة إجمالية بتقارب المليون و31 ألف متر مربع، وباستثمارات تصل إلى 490 مليون دولار، والمشروعات دي بتساهم في توفير حوالي 20 ألف فرصة عمل مباشرة.

نيجي بقى لمشروع شركة "دي سيتا"، اللي تم وضع حجر الأساس له بمنطقة القنطرة غرب الصناعية في قطاع المنسوجات والملابس، فهو كمان بيمثل فصل جديد للشراكة الناجحة بين الهيئة والاستثمارات الصينية في المنطقة الواعدة دي، وكمان بيعكس نجاح جهود الهيئة المبذولة طوال ال 30 شهر اللي فاتت سواءً في الجولات الترويجية اللي بتستهدف جذب الاستثمارات المختلفة داخل الهيئة، أو على صعيد الاستثمار في البنية التحتية والمرافق ذات المواصفات العالمية، وده بجانب جهود رقمنة الخدمات المقدمة للمستثمرين، اللي ساهمت بشكل واسع في تهيئة مناخ الاستثمار داخل الهيئة.

برضو، المنطقة الاقتصادية لقناة السويس بتستهدف تحويل منطقة القنطرة غرب الصناعية لمركز لصناعات المنسوجات والملابس بالإضافة لقطاعات تانية مستهدفة، وده هدفه هو تلبية احتياجات السوق المحلية وإتاحة منتجات بجودة عالمية، وكمان تعزيز الصادرات المصرية للأسواق العالمية في إطار خطة الدولة المصرية للنهوض بالصادرات ودعم الصناعة الوطنية.