غاية التعليمية يكتُب.. خلال الكام يوم اللي فاتوا اسعار الذهب في مصر رجعت تهدأ وترجع لمعدلاتها الطبيعية.. ياتري هل الوضع ده هيستمر.. ولا هتحصل زيادات جديدة في الاسعار وامتي اسعار الذهب هتكون مستقرة بشكل كامل.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من بداية الأسبوع الجاري اسعار الذهب في مصر كانت مستقرة بنسبة كبيرة الزيادات كانت بتترواح من 20 الي 40 جنيها في الاسعار، وده عمل حالة هدوء نسبي في محلات الصاغة، خصوصا أن الفترة اللي فاتت الأسعار في مصر كانت بتشهد تغيرات كبيرة في الأسعار كل ساعة بسبب الارتفاع العالمي في المعدن الأصفر.

طيب اية اسباب الارتفاعات الكبيرة في اسعار الذهب في مصر؟.
في الفترة الأخيرة وتحديدا من وقت عودة الرئيس الأمريكي دونالد ترامب لرئاسة البيت الابيض واعلان نيته فرض رسوم جمركية كبيرة علي البضائع الواردة للسوق الأمريكي خصوصا البضائع الصينية، والهدف من القرار ده هو حماية الاقتصاد الأمريكي من البضائع الأجنبية اللي مغرقة السوق الأمريكي، والقرار ده لاقي موجة كبيرة من الرفض العالمي، واغلب الدولة توعدت الولايات المتحدة بالرد بمبدأ المعاملة بالمثل.

المشاحنات اللي بقت موجود دولوقتي كان لها صدي واسع جدا علي حركة التجارة العالمية والبورصة العالمية، وكان لها انعكاس مباشر علي اسعار الدولار والذهب، خصوصا أن عدد كبير من البنوك المركزية في العالم اتجه لتحويل نسبة كبيرة من احتياطاتها النقدية لذهب، وده خلي اسعار المعدن النفيس ترتفع بارقام كبيرة جدا علي مستوي العالم، وطبعا الارتفاع ده له انعكاس مباشر علي الاسعار عندنا في مصر، وده اللي خلي سعر جرام الذهب عيار 21 واللي هو الاكثر انتشارا ومبيعا عندنا في الاسواق يعدي حاجز الـ4 الآف جنيه.

طيب هل اسعار الذهب هتفضل مستقرة في مصر؟.
شعبة الذهب أكدت أن استقرار اسعار الذهب في مصر مربوط باستقرار أسعار الذهب بشكل عالمي، وفي حالة استقرار الأوضاع التجارية والاقتصادية علي مستوى العالم فاسعار الذهب عندنا في مصر مرشحة للاستقرار، وفي حالة زيادة التوترات واعلان قرارات أو فرض رسوم جمركية جديدة من الولايات المتحدة الأمريكية أو الرد الصيني عليها فاسعار الذهب في الحالة دي هتكون مرشحة لزيادات جديدة وهتسجل ارقام أعلي بكتير من الارقام اللي موجودة عندنا هنا في مصر.

الشعبة نصحت المواطنين اللي عايزين يشتروا ذهب بالنزول فورا والشراء وعدم الانتظار خصوصا ان اسعار مرتبطة بالقرارات الدولية، ولحد اللحظة دي مفيش ما يؤكد استقرارها حتي علي المدي البعيد بسبب اعتزام الولايات المتحدة الأمريكية تحصيل الرسوم الجمركية الجديدة والتوعدات الصينية بالرد والمعاملة بالمثل علي البضائع الأمريكية، وده هيؤدي الي مزيد من التوتر في الاقتصاد والتجارة الدولية .