غاية التعليمية يكتُب.. واضح أن مصر مش هتحتاج لصندوق النقد الدولي في الفترة اللي جاية وهتكون عندها مصادر بديلة.. ياتري اية هيا المصادر دي ومصر مستهدفة توصل لكام. 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

خلال السنين اللي فاتت مصر كان عندها تنسيق كبير جدا مع صندوق النقد الدولي علشان نعمل إعادة إحياء للاقتصاد القومي المصري والبرنامج ده كان في بنود كبيرة جدا لازم الحكومة تنفذها علشان خاطر مصر تحصل علي شرائح القروض اللي حصلت مصر علي موافقتها من صندوق النقد الدولي خصوصا أن كل قروض من القروض اللي اخذتها مصر كان له بنود وشروط أساسية لازم الدولة تنفذها بكل بنودها علشان خاطر تصرف الشرائح وكل شريحة من شرائح القرض كان معاه بنود معينة.

علي مدار السنين اللي فاتت الحكومة كانت ملتزمة بتنفيذ كل بنود صندوق النقد الدولي لحد 2024 لما الرئيس عبدالفتاح السيسي وجه الحكومة بالتفاوض مع صندوق النقد الدولي لتعديل شروط قرض ال 8 مليار دولار واللي الحكومة حصلت علي موافقته في مارس 2024.

طبعا زي ما احنا عارفين ان كل بنود صندوق النقد الدولي بتتعلق برفع الدعم عن السلع والخدمات اللي بتقدمها الحكومة للمواطنين وكل السنين اللي فاتت كانت الحكومة ملتزمة بالشروط اللي بيتم الإتفاق فيها مع الصندوق وفعلا الحكومة خلال السنين اللي فاتت اخذت أكثر من قرار لرفع أسعار المواد البترولية سواي كان البنزين أو السولار، ده غير رفع أسعار شرائح الكهرباء برضوا أكثر من مرة، ده غير القرار المهم اللي اخذته الحكومة بزيادة أسعار رغيف الخبز واللي كان واحدة من العلامات الفارقة في تاريخ الدولة المصرية خصوصاً أن النقطة دي بالذات كل الحكومات اللي فاتت علي مصر رفضت أنهم يمسوا رغيف العيش.

توجيهات الرئيس عبدالفتاح السيسي للحكومة بمناقشة صندوق النقد الدولي كان سببها الظروف الاقتصادية اللي كانت مصر بتمر بيها واللي كان سببها التوترات الجيوسياسية اللي موجودة في منطقة الشرق الأوسط، وفعلا الحكومة عملت اجتماعات مع بعثة صندوق النقد الدولي وقت وجودها في مصر لعمل المراجعة الرابعة لصرف شريحة قرض ال 8 مليار دولار واللي هتوصل ل 1.3 مليار دولار واللي المفروض كانت مصر حصلت عليها من فترات طويلة فاتت ولكن لحد اللحظة دي الحكومة لسه محصلش عليها علي الرغم من نجاح مصر في المراجعة الأخيرة.
طيب ازاى مصر هتدبر أمورها في ظل تأخر صرف شرائح قرض ال 8 مليار دولار من صندوق النقد الدولي ؟.

مصر حاليا بدأت تدور علي مصادر تمويل بديلة لصندوق النقد الدولي علشان تمول مصر في السنين اللي جاية، ده غير الدعم الكبير اللي بتقوم بيه الحكومة لدعم كل القطاعات الموجودة في الدولة من الصناعة والزراعة والسياحة، ده غير تنفيذ برنامج الطروحات الحكومية وطرحها قدام شركات القطاع الخاص، وكمان تنفيذ صفقات الاستثمار السياحي في بعض المناطق المصرية خصوصا أن عندها أكثر من 4 مناطق مرشحين للدخول في مشروعات الإستثمار السياحي زي ما حصل في منطقة رأس الحكمة.