غاية التعليمية يكتُب.. مصر بتعمل ايه في قطاع الطاقة والكهرباء وازاي المشروعات الجديدة هتخلي مصر مركز للطاقة في الشرق الأوسط وشمال أفريقيا وايه حكاية صفقات الـ B.O.O الجاية في قطاع الطاقة.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كلنا فاكرين الكهرباء لما كانت بتقطع ساعات طويلة ايام حكم جماعة الوهم الإرهابية وشفنا إزاي قطاع الكهرباء في مصر نهض من تاني بمشروعات عملاقة في وقت قياسي بداية من محطات سيمنز الألمانية لغاية طاقة الشمس في أسوان والرياح  المنتشرة على مستوى الجمهورية وحولت العجز الضخم في الطاقة الكهربائية إلى فائض والتصدير كمان وفيه فرق بين القدرة التشغيلية لمحطات الكهرباء وبين اللي بينج بالفعل ودا سببه نقص الوقود زي ما حصل الصيف اللي فات عشان محدش يسأل ازاي عندنا فائض كهرباء وفي نفس الوقت الحكومة كانت بتخفف الأحمال واللي كان سببه ترشيد صرف الدولار اللازم لاستيراد الغاز في وقت من الأوقات.

وبالارقام تجاوزت استثمارات الدولة على قطاع الكهرباء خلال 10 سنين  نصف تريليون جنيه مصري (17 مليار دولار أميركي)  تم إنفاق ما يقرب من نصفها في الفترة بين أعوام 2016 و 2018.. دا غير توسعات الدولة الغير مسبوقة في الطاقة النظيفة من الرياح والشمس والهيدروجين الاخضر ودلوقتي فيه مشروعات ضخمة بتنفذ في الطاقة النظيفة زي مشروع اماراتي بتكلفة استثمارية 10 مليار دولار  لإنتاج الكهرباء من طاقة الرياح والسعودية أعلنت أنها هتنفذ مشروع اكبر منه في مصر ليكون الأكبر في المنطقة وغيرها من المشروعات اللي بتهدف لتحويل مصر إلى مركز إقليمي لتصدير الكهرباء لأوروبا والدول المجاورة.

الجديد في قطاع استثمارات الكهرباء هو استهداف الحكومة المصرية جذب استثمارات بواقع 100 مليار جنيه من القطاع الخاص لمشاريع جديدة في الطاقة المتجددة خلال سنين بحسب مسؤول حكومي واللي كشف ان الاستثمارات المتستهدفة هتيجي من مستثمرين محليين وأجانب لإطلاق مشاريع وفق نظام البناء والتشغيل والتملك (BOO).. ودا نظام متعارف عليه دوليا لجذب الاستثمارات يعني الشركات أو المستثمرين هيعملوا المحطات أو المشروع وهيتملكوه لمدة معينة قبل ما تؤول ملكيته للدولة المصرية وفي خلال مدة تشغيل الشركات هتستفاد من بيع الإنتاج وبكده تعوض استثماراتها وكمان تكسب والدولة هتستفاد طاقة وعمالة واستثمارات جديدة.

حسب المعلومات وزارة الكهرباء والطاقة ناوية تضيف قدرات إلى الشبكة الكهربائية تصل إلى 3 جيجاواط من مشروعات الطاقة الشمسية ومزارع الرياح لغاية صيف 2025، لتجنب أزمة انقطاعات الكهرباء التي حصلت الصيف اللي فات بسبب نقص الوقود اللازم لتشغيل المحطات التقليدية

ومن أبرز الشركات اللي بتستثمر بمجال الطاقة المتجددة في مصر "أكوا باور" السعودية، و"مصدر" الإماراتية، و"إنفنيتي باور" و"حسن علام للمرافق" والحكومة ملتزمة من خلال الشركة المصرية لنقل الكهرباء بشراء كامل الإنتاج من المستثمرين من خلال عقود شراء الطاقة على مدار عمر المشروعات، على أن تخصص الأراضي للمستثمرين بنظام حق الانتفاع.

استراتيجية مصر للطاقة المستدامة للوصول تهدف للوصغ بالطاقة المتجددة إلى 42% من القدرة الإجمالية للشبكة القومية للكهرباء بحلول  2030 وموزعة بنسبة 22% طاقة شمسية، و14% من الرياح، و4% من المركزات الشمسية، و2% من الطاقة المائية.