غاية التعليمية يكتُب.. مصر عندها خطة لتحويل المطارات لمصدر من اهم مصادر الدخل الدولاري في الناتج القومي.. ياتري اية هيا الخطة دي .. وأزاي الدولة هتحول المطارات لمصدر دخل دولاري.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من فترة طويلة ومصر بدأت تنفيذ خطة الاصلاح الاقتصادي بالتعاون مع صندوق النقد الدولي، والخطة دي تضمنت الشراكة مع القطاع الخاص في عدد من الشركات والأصول المملوكة للدولة، وفعلا الدولة بدأت تنفذ الخطة دي وكل فترة بتعلن عن طرح جديد قدام شركات القطاع الخاص للدخول في شراكة في الإدارة والتشغيل، والخطة كانت السبب ان الشركات والقطاعات اللي تم طرحها في البورصة تتحول من مكان عبئ علي الدولة وبيستهلك من ميزانية الدولة، لمصدر دخل جديد بشكل مباشر وغير مباشر ف الدخل القومي المصري.

بعد ما الدولة نجحت في طرح عدد كبير من الشركات قدام القطاع الخاص واللي فعلا حول الشركات دي لأماكن اقتصادية ناجحة، واصبحت حاليا واحدة من مصادر الدخل القومي المصري، جه حاليا الدول علي المطارات واللي الدولة بتستعد لطرحهم للشراكة قدام القطاع الخاص.

طيب ازاي الدولة بتستعد لطرح المطارات للشراكة مع القطاع الخاص، وهل شركات القطاع الخاص هيا اللي هتحل مكان الشرطة في إدارة وتشغيل والرقابة علي المطارات؟.
المطارات هيا أول بوابة من بوابات مصر لحماية الأمن القومي المصري خصوصا أنها أول نقطة تفيش قدام اعداء الوطن واللي حالوا كتير يستخدموا علشان يدخلوا ممنوعات مختلفة سواء كانت مواد مختلفة أو عملات أجنبية لتمويل انشطة ارهابية في الدولة المصرية، أو تهريب اسلحة لعمل خلل في النظام الأمني المصري، وكلها محاولات الشرطة المصرية قدرت انها تقبض عليها وتنجي البلاد من شر كبير.
عمليات طرحت المطارات هيكون لها إدارة خاصة خصوصا أنها واحدة من الحاجات السيادية في الدولة ، واللي في الوقت الحالي محققة خساير في الناتج القومي المصري، وعلشان كده الدولة بتدرس خطوات تحويلها لمصدر دخل لمصر، وفعلا الدولة اعلنت عن طرح عدد من المطارات للشراكة مع القطاع الخاص.
الدكتور سامح الحفني وزير الطيران المدني اتكلم في النقطة دي وقال أن الدولة استقرت علي طرح 11 مطار قدام القطاع الخاص وهتكون البداية بمطار الغردقة الدولي، وفعلا الوزارة جت لها عروضت عن عدد كبير من الشركات من مختلف أنحاء العالم منها أكبر 3 شركات في أمريكا اللاتينية وأوروبا وآسيا وعدد كبير من الدول العربية والصين وفرنسا وتركيا.
وزير الطيران المدني كمل كلامه وقال أن خطة طرح المطارات المصرية هتم على مرحلتين الأولى هيا الدراسة ودي هتستغرق 6 شهور وهتشمل كل الجوانب القانونية والمالية والإدارية علشان نوصل للصورة  الكاملة مع الإدارات الجديدة اللي هتتولى تشغيل المطارات واداراتها، وبعها هتبدا الدولة تفحص الشركات اللي متقدمة علشان نستقر علي افضل عرض، اما المرحلة التانية فدي هتمتد لـ14 شهر من تاريخ إعلان الطرح لحد التسليم للشركة المتعاقدة.