غاية التعليمية يكتُب.. البحر المتوسط مليان كنوز من الغاز الطبيعي والبترول قبالة السواحل المصرية.. ايه اللي بيحصل هناك وايه الجديد في قطاع التنقيب والاستكشاف.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

زي ما احنا عارفين إن المياه الإقليمية المصرية في البحر المتوسط مليانه كنوز طبيعية خاصة من الغاز الطبيعي والبداية الكبيرة كانت بحقل ظهر وبعدها بدأت الشركات العالمية زي ايني البحث والحفر في مناطق جديدة في نفس منطقة الامتياز ودلوقتي بتحفر اكتر من بير غاز طبيعي بجوار حقل ظهر القديم والمؤشرات بتقول إن المنطقة غنية بالغاز.

الجديد بقي إن شركة "إكسون موبيل" الأمربكية أعلنت البدء بحفر بئرين استكشافيتين للغاز الطبيعي في منطقتي امتياز "القاهرة"، و"مصري" بالبحر المتوسط خلال الربع الأول من 2026، بتكلفة مبدئية 240 مليون دولار وسبق وارست الحكومة المصرية  امتيازي استكشاف "القاهرة"، و"مصري" على شركة "إكسون موبيل" في يناير 2023، وتغطي المنطقتين مساحة قدرها 11400 كيلومتر مربع.

حسب المعلومات الشركة الأميركية شغالة دلوقتي على إجراء المراحل الأخيرة بالمسح السيزمي في المنطقتين، وسط دلائل قوية على تواجد احتياطيات من الغاز الطبيعي هيتم التأكد من حجمها بعد الحفر يعني الشواهد بتقول إن المنطقة واعدة بالغاز الطبيعي وقطر كمان دخلت على خط التنقيب من خلال توقيع شركة"قطر للطاقة" و"إكسون موبيل" السنة اللي فاتت اتفاقية بتستحوذ من خلالها الشركة القطرية على حصة 40% في منطقتي "القاهرة" و"مصري".

مصر  من ناحيتها قدمت للشركات الأجنبية حوافز جديدة لزيادة إنتاج الغاز زي السماح بتصدير حصة معينة من الإنتاج الجديد، بحيث تستخدم عائداتها في سداد المستحقات المطلوبة، بالإضافة لرفع سعر حصة هذه الشركات من الإنتاج الجديد من الغاز.

وللعلم احتياجات مصر اليومية من الغاز بتوصل إلى 6.2 مليار قدم مكعب يومياً، فيما يصل إنتاجها اليومي لنحو 4.3 مليار قدم مكعب، وتستهدف الحكومة زيادة إنتاج الغاز الطبيعي بنهاية العام الحالي لنحو 5 مليارات قدم مكعب يومياً وصولا للاكتفاء الذاتي وبعدها مرحلة العودة للتصدير مع زيادة الاكتشافات الجديدة ولسه الدكتور مصطفى مدبولي أعلن عن اكتشاف حقل بترول وغاز جديد في منطقة كينج مريوط غرب المتوسط وهيتم كشف التفاصيل قريب جدا مع توقعات باحتياطيات كبيرة في الحقل الجديد.

طبعا اي اكتشافات جديده في الغاز والبترول معناها توفير مليارات الدولارات كل سنة والدولة استوردت غاز ب15 مليار دولار السنة اللي فاتت عشان تسد العجز وتضمن تشغيل محطات الكهرباء في الصيف الجاي.