هيساهم بنسبة 6% من الدخل القومي.. قطاع التعدين هيغير خريطة الاستثمار في مصر - غاية التعليمية

غاية التعليمية يكتُب.. يا ترى هي ليه الحكومة المصرية بتراهن على قطاع التعدين دلوقتي عشان يكون قاطرة التنمية المستدامة في الفترة الجاية، هل عملت آليات جديدة عشان تزود إنتاجه ولا قررت تستغله بشكل مختلف، وايه هو المستهدف من الإنتاج من القطاع ده في الفترة الجاية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طبعا قطاع التعدين يعني البحث البترول والغاز ومشتقاتهم وكمان الدهب والمعادن، بيعتبر من أهم القطاعات اللي بيعتمد عليها الاقتصاد المصري، سواء بتحقيق اكتفاء للسوق المحلي أو حتى التصدير، وكمان بيحقق سندة قوية له.

وفي السنة الأخيرة، وصلت إنتاجية قطاع التعدين في مصر ل 13مليون طن منتجات وخامات تعدينية، عشان كده الحكومة بتعول على القطاع ده عشان يكون قاطرة التنمية في الفترة الجاية، ونقدر نصدر منه كميات كبيرة ويتحول لمكون دولاري مهم وأساسي يقدر يسند الاقتصاد.

عشان كده، وزارة البترول والثروة المعدنية،  بتركز دلوقتي على تطوير قطاع التعدين، واللي هيتم تطويره بناء على محاور استراتيجية، بتهدف لرفع مساهمة الثروة المعدنية في الناتج المحلي الإجمالي من 1% إلى نحو 6%، ومش بس كده ده كمان هيتم تحويل الهيئة المصرية العامة للثروة المعدنية لهيئة اقتصادية ذات أداء أعلى، وهيحصل تعاون بين الدول الأفريقية عشان نعظم القيمة المضافة للثروات المعدنية بما يعود بالنفع على شعوب أفريقيا.

ورغم أهمية قطاع التعدين في دعم الاقتصاد، إلا أنه كمان بيجذب المستثمرين من خارج مصر، عشان كده في فرص واعدة للاستثمار في قطاع التعدين المصري، واللي بيدعمها برنامج الحكومة المصرية الجديدة اللي هدفه الأكبر هو جذب المزيد من الاستثمارات، وتعزيز جاذبية قطاع التعدين في إطار رؤية مصر 2030، بهدف وضع مصر على خريطة الاستثمار التعديني العالمية.

كمان، الحكومة دلوقتي بتهتم ببناء شراكات مستدامة مع مختلف الشركاء المعنيين بصناعة التعدين، وفي الفترة الأخيرة تم الانتهاء من نموذج اتفاقية استغلال المعادن المعدلة حديثًا، واللي بتعكس الجهود الخاصة بتحسين مناخ الاستثمار، وكمان بتأسس لإطار قوي لتحقيق المنفعة المتبادلة لجميع الأطراف، بما يتماشى مع استراتيجية تحديث قطاع التعدين الشامل في مصر.

غير كده، الحكومة دلوقتي ممثلة في وازرة البترول، شغالة عفى وضع استراتيجية للقيمة المضافة والصناعات التعدينية، وده بجانب استراتيجية تانية لمعالجة الآثار البيئية والاجتماعية لقطاع التعدين، وكل ده هدفه هو زيادة أو تعظيم الاستفادة من المعادن الحرجة في دعم جهود التحول الطاقي، وده هيحصل تحقيقا لتوجه ارتفاع  الطلب العالمي على تقنيات الطاقة النظيفة.

أما بخصوص استغلال واستخدام مصادر الطاقة المتجددة في الأنشطة التعدينية، فده كمان ضمن خطة تطوير قطاع التعدين اللي بتنفذها الحكومة دلوقتي، عشات تحسن كفاءة العمليات القطاع باستخدام أحدث التقنيات الرقمية والمعدات المتطورة.

ونقدر نقول، أن أول ثمار تطوير قطاع التعدين، هو قرب إطلاق "بوابة التعدين المصرية" ، المستوحاة من بوابة مصر للاستكشاف والإنتاج (EUG)، واللي هيكون هدفها توفير بيانات جيولوجية مفصلة ومعلومات شاملة للمستثمرين، وتعزيز الشفافية والتواصل مع الهيئة المصرية العامة للثروة المعدنية.

كمان، البوابة دي هتيح للمستثمرين معلومات وهتقدم لهم فرص عن المواقع اللي عايزين يعملوا فيها مشروعات، عاشت تكون سبب رئيسي ومهم في تحويل قطاع التعدين لقاطرة تنمية.