الصعيد هيتنقل في حتة تانية خالص.. حكاية 12 مليار جنيه خصصتها الحكومة لدعم الصعايدة - غاية التعليمية

غاية التعليمية يكتُب.. يا ترى إزاي الحكومة المصرية بتدعم المشروعات الصغيرة في الصعيد، هل بتقدم لها قروض وتمويلات ميسرة عشان تسهل على الشباب عمل مشروعات تقدر تعينهم على أعباء الحياة وتوفر لهم دخل ثابت، ولا ممكن تدعم بمشروع متكامل، وإيه هي التسهيلات اللي قدمتها لأهل الصعيد في الفترة الأخيرة؟ 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الحقيقة، الحكومة المصرية ممثلة في جهاز تنمية المشروعات المتوسطة والصغيرة ومتناهية الصغر، عامل عظمة في الصعيد، وده بسبب حرصه على دعم التنمية الاقتصادية والاجتماعية في محافظات جنوب مصر، عشان يحقق أقصى استفادة ممكنة من الموارد الطبيعية والبشرية اللي بيتمتع بها الصعيد، عشان نحسن المستويات الاقتصادية للمواطنين ونزود مساهمتهم في التنمية الاقتصادية الشاملة.

وحاليا، جهاز تنمية المشروعات المتوسطة والصغيرة ومتناهية الصغر، بيتعاون مع كل الجهات المعنية بالدولة والمحافظات عشان يقدم التمويل والدعم الفني والمساعدة للمواطنين خاصة الشباب  عشان يسهل إجراءات إقامة مشروعات جديدة أو تطوير المشروعات القائمة.

ونقدر نقول إن الجهاز فعليا حقق إنجازات ملموسة في محافظات (المنيا والفيوم زبنس سويف) خلال الفترة من يوليو 2014 لحد ديسمبر 2024، وتحديدا ضخ إجمالي تمويلات وصلت ل 11.9 مليار جنيه، وتم توجيهم للمشروعات الصغيرة ومتناهية الصغر ودعم مشروعات البنية الأساسية والتنمية المجتمعية.

والمشروعات دي قدرت توفر 826.3 ألف فرصة عمل لأبناء ال3 محافظات، بالإضافة للملايين من فرص التشغيل للعمالة غير المنتظمة، وده ساهم في تحسين مستوى المعيشة وتوفير فرص عمل مستدامة.

وبالنسبة لمحافظة المنيا، فاستحوذت على النصيب الأكبر من التمويل من بين محافظات شمال الصعيد، وده لأن جهاز تنمية المشروعات نجح على مدار 10 سنين في تخصيص تمويلات من خلال شركاء التنمية الدوليين، لتنفيذ مشروعات في مجال البنية الأساسية بمحافظات المنيا وبني سويف والفيوم، وده ساهم في توفير 7.9 مليون يومية عمل.

وبيتم تحديد المشروعات دي بناء على احتياجات المواطنين وبالتنسيق مع المحافظات، كمان ييتم الاعتماد في تنفيذ ميس المشروعات على العمالة الكثيفة بدل من الآلات والمعدات، وده بيقدر يتيح الآلاف من فرص التشغيل للعمالة غير المنتظمة.

أما بخصوص الخدمات المقدمة من الشباك الواحد في ال 3 محافظات، فتم إصدار حوالي 21 ألف رخصة للمشروعات الصغيرة وتوفيق أوضاع المشروعات غير الرسمية وضمها للقطاع الرسمي، كمان تم إصدار ما يزيد على 15 ألف شهادة تصنيف ومزايا للمشروعات للاستفادة من قانون تنمية المشروعات 152/2020.

ونقدر نقول كمان، إن إنجازات جهاز تنمية المشروعات بمحافظات شمال الصعيد بتعكس التزامه بدعم التنمية الاقتصادية والاجتماعية وتمكين رواد الاعمال من الشباب والمرأة، وكمان بيؤكد استمرار الجهاز في تقديم الدعم اللازم للمشروعات الصغيرة ومتناهية الصغر، وانه بيساهم بقوة في تحقيق التنمية المستدامة في صعيد مصر.