3 خدمات جديدة للمستثمرين.. شوف مزايا والمكاسب الاقتصادية للمنصة الرقمية للصناعة - غاية التعليمية

غاية التعليمية يكتُب.. يا ترى إيه هي المزايا والمكاسب الاقتصادية من المنصة الرقمية للصناعة، واللي فعلتها الحكومة خلال الفترة الأخيرة، هل هتكون ملتقى بين وزارة الصناعة والمستثمرين وهتسهل الإجراءات وتسهل دخول الاستثمارات، ولا في أهداف تانية للمنصة دي، وإيه أهم الفوايد الاقتصادية لها في الفترة الجاية..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الفترة الأخيرة، وزارة الصناعة دشنت منصة مصر الصناعية الرقمية، واللي من خلالها بتعلن عن الطروحات الجديدة اللي بتقدمها للمستثمرين سواء المحليين أو الأجانب، وده بهد تسريع إقامة المشروعات الصناعية وزيادة الإنتاج المحلي.

وطبعا تدشين المنصة دي، بتيجي لتنفيذ توجيهات القيادة السياسية تطبيقا لخطة شاملة للنهوض بقطاع الصناعة في مصر، وأوصت كمان يتوفير الاراضي اللازمة للاستثمار الصناعي واقامة مزيد من المشروعات، عشان نقدر نواكب التطور التكنولوجي الحديث ونسهل الخدمات المقدمة للمستثمرين.
 

ولحد دلوقتي، وزارة الصناعة أطلقت مرحلتين فقط لمنصة مصر الصناعية الرقمية، وفي الأيام الأخيرة تم إضافة 3 خدمات حيوية جديدة،ب يتم التقدم عليها الكترونيا ،وهي خدمات: (تراخيص البناء وبيان الصلاحية والسجل الصناعي)، عشان يكون إجمالي الخدمات المتاحة على المنصة 6 خدمات، مع استمرار إتاحة خدمة الدفع الإلكتروني من خلال المنصة.

ومؤخرا، وزارة الصناعة طرحه على المنصة أراضي جديدة في إطار استراتيجيتها عشان تسرع وتيرة الإنتاج وتعمق التصنيع المحلي وتزود الصادرات، وكمان تلبي احتياجات الاستثمار الصناعي من الأراضي المرفقة بشكل مستدام وسرعة توفيرها بشفافية كاملة للمستثمرين الصناعيين الجادين، وده ييجي في الوقت اللي زادت فيه  الطلبات على الأراضي الصناعية لإقامة مشروعات جديدة.

عشان كده، بيتن توفير فرص استثمارية جديدة لتشجيع الاستثمار الصناعي المحلى والأجنبي عن طريق طرح الأراضي كل 3 شهور عبر منصة مصر الصناعية الرقمية.

كمان، الأراضي المطروحة حاليا، موزعة على ٢٢ محافظة، وهي: (القاهرة، الجيزة، المنوفية، الشرقية، الدقهلية، البحيرة، الغربية، كفر الشيخ، بورسعيد، الاسماعيلية، السويس، الفيوم، بنى سويف، المنيا، اسيوط، سوهاج، قنا، الاقصر، اسوان، الوادي الجديد، مرسى مطروح، شمال سيناء)، وده عشان نقدر نحثق التوازن الجغرافي المستهدف في التنمية، بتوفير مساحات متنوعة تتراوح بين ٢٠٠ م٢ و٥٠٠ ألف م٢ تقريبا، لتلبية تطلعات المستثمرين الصناعيين، سواء الصغيرة أو المتوسطة أو الكبرى.

برضو، الطرح الأخير اشتمل على أنشطة مختلفة، زي صناعات (غذائية، دوائية هندسية، كيماوية، مواد بناء، غزل ونسيج)، ولسه المنصة مستمرة في إتاحة تقدم المستثمر على فرصتين، فرصة أساسية وفرصة بديلة أو احتياطية، بدلًا من التقدم على فرصة واحدة بس زي ما كان بيحصل قبل كده، وطبعا ده عشان تقدر الحكومة توفر فرصة أكبر للمتقدمين للحصول على أراضي لإقامة مشروعاتهم الصناعية.

ونقدر نقول، إن قطع المطروحة بنظامي التمليك أو حق الانتفاع، بيتم طرحها بأقل من الأسعار الحالية التكلفة الفعلية للمرافق، وده عشان الحكومة تسهل على المستثمرين وتخفف عنهم الأعباء المالية، وتقدر تحقق أكبر استفادة من الأراضي الصناعية في المحافظات.

وفي النهاية، المنصة دي هتقدر تدي دفعة قوية للاستثمارات في مجال الصناعة، وتكون فاتحة خير على الملف ده، لأنها هتقدر تجذب العملة الأجنبية بسهولة وتنعش الخزينة العامة بشكل دوري عشان تحل أزمات كتيرة.