غاية التعليمية يكتُب.. مصر لقت طاقة القدر في مشروعات الطاقة المتجددة، والمرة دي مشروع سعودي هيكسب مصر ملايين الدولارت من الهواء.. ياتري اية هو المشروع ده.. واية الفايدة اللي هترجع علي مصر منه.. وحصيلة مصر الاقتصادية منه هتوصل لكام

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الفترة الرئاسية الجديدة كلها مشروعات في كل المجالات خصوصا مجالات الطاقة المتجددة والطاقة النظيفة خصوصا أن الدولة شافت أنها عندها طاقات وقدرات طبيعة كتيرة تقدر الدولة تستغلها وتطلع منها ملايين الدولارت بدون ما تدفع ولا جنية ولا تخصص فاتورة دولارية لاستيراد بنزين وغاز طبيعي علشان نشغل محطات توليد كهربائي وتدور وتولد طاقة كهربائية تنور شوارع وبيوت بلدنا وتشغيل مصانعنا علشان نتتج غذائنا واحتياجاتنا.

طيب ايه اللي عملته الدولة علشان تشجع شركات القطاع الخاص ورؤوس الاموال الأجنبية علشان تدخل السوق المصري؟

الدولة في الفترة اللي فاتت قدمت تحفيزات كبيرة جدا لشركات القطاع الخاص ورؤوس الاموال الأجنبية علشان تدخل السوق المصري وتعمل مشروعات في كل المجالات، واحدة من القطاعات اللي الدولة قدمت فيها تحفيزات وتسهيلات كبيرة لدخول القطاع الخاص في قطاع الكهرباء والطاقة المتجددة، والحكومة قدمت تحفيزات كبيرة عبارة عن تخصيص اراضي للشركات اللي عايزة تدخل تعمل استثمارات في مجالات الطاقة النظيفة والمتجددة، وكمان العقود اللي بتقوقعها الدولة مع الشركات بتتضمن بند بشراء الطاقة اللي هيتم انتاجها خصوصا أن الشركات دي معندهاش خطوط لنقل الكهرباء وبيعها للمستهلك، والجهة الوحيدة اللي عندها خطوط نقل هيا الدولة المصرية.

التحفيزات اللي قدمتها الحكومة خلت عدد كبير من رؤوس الأموال الأجنبية وشركات القطاع الخاص بتدور علي فرصة علشان تعمل اتفاق مع الحكومة للمشاركة في انتاج الكهرباء، خصوصا ان مصر عندها مميزات طبيعية مش موجودة في دول كتيرة حوالين العالم وهيا طاقة الشمس والرياح، ومصر عندها مناطق صحراوية كبيرة جدا ومميزة لاقامة مشروعات لانتاج الكهرباء من طاقات الشمس وطاقات الرياح، وفعلا الدولة في الفترة اللي فاتت وبالتعاون مع القطاع الخاص قدرت تعمل نسبة كبيرة من مشروعات انتاج الكهرباء من استغلال الطاقة المتجددة زي محطة بنبان ومحطة رياح ابيدوس ومحطة جبل الزيت وغيرها من مشروعات الطاقة المتجددة.

طيب ايه حكاية المشروع السعودي اللي هتغير خريطة الطاقة في مصر؟

مصر من وقعت اتفاقية مع شركة أكوا باور السعودية واللي هيا من اكبر الشركات علي مستوي العالم في مجالات انتاج الكهرباء من طاقات الرياح والشمس علشان تعمل محطة لانتاج الكهرباء عندنا جنوب مدينة الغردقة لأنتاح 2000 ميجاوات من الكهرباء، وعلي فكرة دي نسبة كبيرة جدا خصوصا أن استهلاك مصر بالكامل يادوب بيعيدي 3000 ميجاوات، وانتاج الكهرباء اللي هيكون من المحطة الجديدة هيساعد مصر في خطتها للتحول الي مركز اقليمي لتبادل الطاقة وبيع الكهرباء لدول العالم الخارجي من خلال استغلال خطوط الربط الكهربائي اللي موجودة دلوقتي مع عدد كبير من دول العالم.