تحرك مهم لحل أزمة الدولار.. إزاي مصر تتحول لمركز جذب عالمي للاستثمار في العقارات؟ - غاية التعليمية

غاية التعليمية يكتُب.. يا ترى إيه هي فوايد الاستثمار العقاري وليه الحكومة المصرية دلوقتي بتشجع النوع ده من الاستثمار، هل بيعتبر توجه عالمي وفيه رواج كبير في القطاع ده دلوقتي، ولا طبيعة المرحلة بتتطلب تركيز الضوء على العقارات؟
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الحقيقة، مصر بقت في السنين الأخيرة من الدول الرائدة في التنمية العمرانية وبناء العقارات، ومش بس على صعيد الوحدات اللي بنتها الحكومة وطرحتها للإسكان الاجتماعي، لأ ده كمان القطاع الخاص بينافس وبقوة عشان يثبت إن مستقبل العقارات هيكون عندنا في مصر.

واللي بيحصل في الفترة الأخيرة، هو إن القطاع العقاري في مصر بقى قطاع جاذب للاستثمار المحلي والأجنبي، وبتتنافس شركات كتير عشان تحصل على فرص واعدة في مصر، يعني مثلا المشروعات العملاقة زي العاصمة الإدارية والعلمين الجديدة والمجتمعات العمرانية الجديدة ساهمت بشكل ملحوظ في إنعاش قطاع الاستثمار العقاري وبالتالي تحقيق مكاسب اقتصادية لمصر، وبقت مصدر مهم لإدخال الدولار انعاش السوق.

كمان، صناعة العقارات لها أهمية كبيرة على الاقتصاد المصري، خاصة وأن نجاح الصناعة دي بيحقق عوائد دولاريه كبيرة زي ما قولنا، لأن بيتم ترويج العقارات في الداخل بجانب تصدير العقار إلى الخارج.

ضيف على كل ده، إن الدولة المصرية بتمتلك مشروعات عقارية ضخمة ومدن سكنية جديدة زي العاصمة الإدارية الجديدة ومدينة العلمين الجديدة ومدينة المنصورة الجديدة، واللي بيتم استغلالها بشكل مناسب لتحقيق طفرة في ملف التصدير العقاري، ده بجانب إنه تم وضع خطة تسويقية ترويجية للمشروعات دي، واللي تم إنشاءها بدقة عالية وبأسلوب بيساعد الحكومة على ترويجها خارج مصر.

وحاليا، الحكومة المصرية شغالة على إصلاح البنية التحتية بشكل مستمر، عشان ده يساعد على تحقيق طفرة في ملف التصدير العقاري، خاصة في ظل الخطوات المتسارعة اللي اتخذتها وزارة الإسكان توسيع الرقعة العمرانية وفقاً للمخطط الاستراتيجي القومي، من خلال تطوير مدن الجيل الرابع ومضاعفة مساحة المعمور المصري من 7% إلى 14%.

وبالنسبة لملف تصدير العقار للخارج، واللي بيعتبر واحد من الملفات المهمة اللي الحكومة شغالة عليه ليل نهار، فهو عبارة عن منظومة متكاملة، يعني ببساط بيتم بيع العقارات للمصريين والأجانب، وده عشان نحفق انتعاش للسوق العقاري المصري وندخل عملة بالدولار واليورو والعملات الأجنبية.

وأكتر حاجة بتدعم ملف تصدير العقارات، هي المشاريع العقارية الضخمة والمدن الجديدة، واللي بتحقق مكاسب كبيرة، خاصة مع وجود إقبال كبير على الاستثمار العقاري في مصر بسببها، وكل ده بيعمل حالة تناغم في الملف العقاري سواء من الدولة أو القطاع الخاص.

ونقدر نقول كمان، إن الاستراتيجية الأخيرة اللي أطلقتها وزارة الإسكان، بتعتمد على تنويع المنتج العقاري واستغلال المقومات الطبيعية اللي بتتمتع بها مصر، زي السواحل  على البحرين الأحمر والمتوسط، وضفاف نهر النيل، وكل ده مع جهود توفير صناديق استثمارية بتتيح محفظة متنوعة من الأراضي، بيساهم في انعاش صناعة العقارات في مصر.

حاليا كمان، وزارة الإسكان بتسعى لتقديم منتج عقاري تنافسي ماكنش موجود قبل كده، وكمان حوافز للمستثمرين العقاريين الأجانب زي منح الإقامة أو الجنسية مقابل الاستثمار العقاري، وده عشان تجذب الاستثمارات الأجنبية، بجانب خطة كويسة للتسويق والدعاية، عشان كل ده يحول مصر لواحدة من أكتر الدول الجاذبة للاستثمار العقاري في الفترة الأخيرة.