غاية التعليمية يكتُب.. في مفاجأة مهمة الحكومة قدمتها للمواطنين بخصوص اسعار السيارات.. والمفاجأة دي هتفرح أغلب الشعب المصري.. ياتري اية هيا المفاجاة دي .. واية سر اهتمام الناس بالمفاجأة دي.

السيارات واحدة من الحاجات المهمة جدا لكل بيت مصري خصوصا أن في الوقت الحالي بتعد واحدة من اهم الوسائل العملية اللي بتسهل حياة الناس، والسيارات في الوقت الحالي تحولت لواحدة من الاساسيات اللي مفيش مصري مش بيتمناها ولا يقدر يتسغني عنها بسبب البهدلة اليومية اللي كلنا بنعيشها يوميا في المواصلات .

الفترة اللي فاتت اللي متابع لأسعار السيارات في السوق هيعرف أن الاسعار تضاعفت مرات المرات بسبب التغيرات اللي حصلت في سوق الصرف، وفي طلب مرتفع كبير جدا بيحصل ومستمر علي شراء السيارات، ولكن بالرغم زيادة الطلب اسعار السيارات في مصر انخفضت مؤخرا.

طيب اية هيا اسباب انخفاض اسعار السيارات في السوق المصري؟.
خلال شهر أبريل ومايو اللي فاتوا، سوق السيارات شهد تراجع كبير في أسعار السيارات لأول مرة منذ ثلاثة سنين، والتراجع في الأسعار تراوح من 10% و25%، والتخفيضات في اسعار السيارات حاليا بتترواح من 35 الي 120 ألف جنيه.

التراجع الكبير في اسعار السيارات الخبراء ببروه لأكثر من سبب اهمه عزوف المستهلكين عن الشراء بسبب تراجع القدرة الشرائية وارتفاع تكلفة المعيشة، وده أدي لتراكم مخزون ضخم من السيارات عند الوكلاء، واللي تزامن مع زيادة الإنتاج المحلي والتسهيلات الكبيرة اللي طرحتها الحكومة لاستيراد السيارات، واللي كان لها مفعول السحر في وجود مخزون قوي من السيارات في السوق المحلي، وبالتالي الوكلاء أصبحوا مطابلين بتصريف المخزون وطرح أنظمة تقسيط ميسرة وتمديد فترات السداد، وتقليل نسب الفائدة من قبل البنوك.

قرار الحكومة بفتح باب الاستيراد التجاري قدام الأفراد والشركات واللي بسببه السوق المصري شهد دخول الألاف الأنواع من السيارات كان سبب مهم جدا في زيادة المعروض في السوق المصري، وبالتالي الاسعار كل يوم بتنخفض عن اليوم اللي قبله، ده غير التحسن الكبير اللي حصل في سعر الصرف وتوفر الدولار في البنوك، واللي اتاح القدرة قدام وكلاء الاستيراد لشراء كل الأنواع المطلوبة في السوق المصري، ودي كانت عقبة كبيرة واجهت الوكلاء خلال السنين اللي فاتت وكانت سبب اساسي في ارتفاع اسعار السيارات في السوق المصري.