غاية التعليمية يكتُب.. يا ترى خريطة الاستثمارات الكويتية في مصر رايحة على فين، وليه المستثمرين الكوايتة داخلين بتقلهم في الفترة الأخيرة، وايه هي القطاعات اللي هتستقبل الاستثمارات دي وفي مشروعات إيه بالظبط، وإزاي مصر هتستفيد من كل ده.
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الساعات الأخيرة، وزير الاستثمار استقبل مستثمرين كوايتة، من شركة "بودي الكويتية"، اللي عايزة تخش بتقلها في مجال المطارات، خاصة وأنها بتمتلك "طيران الجزيرة" في مصر، عشان كده عايزة تبدأ تشتغل 7 مطارات، واللي بينها مطار العلمين وكمان مطار الغردقة.

وبعد ما أبدت الحكومة المصرية نيتها لدراسة المشروع عشان تشوف آلية التنفيذ في أسرع وقت والمكاسب اللي هتدخل خزينة الدولة من المشروع، فاجئتنا كمان اللجنة التجارية المصرية الكويتية، وخاصة خليفة عبدلله العجيل العسكر، وزير التجارة والصناعة الكويتي، بطلب تعاون تجاري جديد مع مصر، واللي هيتجسد في شراكات عملاقة.

والتعاون ده هيكون في شكل اتفاق تجاري وصناعي بين البلدين، عشان يساهم في خلق مناخ من التواصل الدائم، وكمان هيزود التبادل التجاري، ده غير تدشين شراكات اقتصادية جديدة من خلال المشروعات الاستثمارية في البلدين، وهيتم ضخ استثمارات بالملايين، وأولها هيكون في قطاع التكنولوجيا الحديثة خاصة في ظل الثورة الصناعية الرابعة.

ومن هنا، أكدت الحكومة المصرية أنها نفذت حزمة من الإصلاحات التشريعية والإجرائية عشان تحسن مناخ الاستثمار بشكل عام، والاستثمار الصناعي بشكل خاص في مصر،  واللي بينها قانون الاستثمار، وده ساهم في تسهيل إجراءات منح تراخيص المنشآت الصناعية، ده غير تسهيل الفرص الاستثمارية الصناعية المتاحة في القطاعات الصناعية المختلفة، واللي بتساهم في زيادة حركة التجارة والاستثمار بين مصر والدول التانية.

كمان، الحكومة دلوقتي بتبذل كل طاقتها وبتطرح مبادرات لجذب أكبر عدد من المستثمرين، عشان يجوا يشتغلوا في مصر، ويبدأوا ينفذوا مشروعات تشغل الشباب وتوفر منتجات للسوق المحلي ونقدر نقلل فاتورة الاستيراد.

ومن هنا، بدأ رجال الأعمال والشركات الكويتية يتحركوا ويطلبوا زيادة الاستثمارات الحالية، وخلق استثمارات جديدة في المشروعات المشتركة في مجالات كتيرة في مصر، زي تكنولوجيا المعلومات والنقل الجماعي وغيرها من المجالات.

وده بيؤكد على حاجتين، الأول إن مصر بتتحول بشكل تدريجي لقبلة المستثمرين العرب والأجانب، والحاجة التانية إن الاستثمارات دي بيعكس نجاح خطة الحكومة اللي عملتها وراهنت عليها في جذب استثمارات أجنبية لمصر.

كمان، الاستثمارات الكويتية دي بتعكس عمق وتاريخية العلاقات بين مصر ودولة الكويت، واللي مبنية على التفاهم المشترك وتوافق الرؤى، وكمان بتأكد على الدور الهام للجنة التجارية المصرية الكويتية المشتركة في تعزيز العلاقات الاقتصادية بين البلدين في كل المجالات وعلى كافة الأصعدة.