غاية التعليمية يكتُب.. ملايين المصريين بيتابعوا أسعار الدهب كل يوم، سواء هيشتروا ولا لأ، وده لأن الدهب بيعتبر مؤشر لأسعار السلع ولحاجات تانية كتيرة زي الدولار، يعني مثلا لو رفعت أسعار الدهب ينزل الدولار والعكس صحيح، وكل ده طبعا بيأثر على الأسواق وعلى سعر السلع اللي بترفع أو بتنزل في الأسواق العالمية، واللي بينها السوق المصري.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ولكن، يا ترى أسعار الدهب رايحة على فين في السنة الجديدة 2025؟

طبعا، الدهب بيعتبر الملاذ الآمن للادخار أو الاستثمار، وزي ما في بنوك عالمية بتشتري كميات مهولة من الدهب مع بداية كل سنة عشان تحصن نفسها ضد التقلبات أو الأزمات الاقتصادية، ففي مواطنين كتير حول العالم بيشتروا دهب لنفس السبب، أو لسبب تاني وهو حفظ قيمة فلوسهم عشان متقلش في ظل ارتفاع التضخم أو زيادة الأسعار.

عشان كده، أسعار الدهب سجلت في 2024 مكاسب كبيرة، ودلوقتي بيتجه المعدن الأصفر لتحقيق المزيد من المكاسب في السنة الجاية 2025، يعني ممكن يشهد مسار صعودي، وده مش كلامنا دي توقعات الخبراء والمختصين.

ولو رجعنا لورا شوية، هنلاقي ان الدهب كان واحد من أبرز الاستثمارات أداء خلال سنة 2024، وختم السنة بارتفاع استثنائي يعتبر هو الأفضل له من سنة 2010.

وهنا، قالت صحيفة وول ستريت جورنال الأميركية، إن الدهب هيحقق ارتفاع قياسي جديد في 2025، وأكدت إن ده هيعاكس توقعات تانية بتباطؤ الأسعار.

وقالت كمان في تقرير لها، إن أسعار الدهب ارتفعت بنسبة 27% خلال العام الحالي 224، عشان توصل ل 2617.20 دولار للأونصة، وبالأداء ده تفوق المعدن الثمين على المكاسب اللي حققها مؤشر S&P 500 الأميركي، واللي بلغت 25%، وكمان اقترب من الزيادة اللي سجلها مؤشر ناسداك المركب للتكنولوجيا الثقيلة، واللي وصلت إلى 31%، والكلام ده معناه إن الدهب حصان رابح في كل الأوقات.

كمان، حققت العقود الآجلة للدهب مستوى قياسي قبل الانتخابات الرئاسية الأميركية الأخيرة، وده حصل بعد ما نقل المستثمرين اللي كانوا متوترين بخصوص نتيجة الانتخابات، فلوسهم من الدهب وحطوها في الأصول الأكثر خطورة.

ولكن الأسبوع ده، تراجعت أسعار الدهب بشكل طفيف، مع تراجع جاذبية المعدن النفيس اللي توقف بشكل طفيف عن تحقيق عوائد بسبب ارتفاع عائدات سندات الخزانة الأمريكية بسبب الإجازات، وده بيجي مع تركيز الأسواق على العودة المرتقبة للرئيس المنتخب دونالد ترامب والتأثير المحتمل لسياساته التضخمية على تحركات الفدرالي الأميركي لعام 2025.

وانخفض المعدن النفيس في المعاملات الفورية 0.8% إلى 2614.64 دولار للأونصة، وكمان هبطت العقود الأميركية الآجلة للذهب 0.9% إلى 2630.10 دولار.

ولكن التوقعات كلها بتشير إلى عودة لمعان الدهب في السنة الجديدة، وده اللي اتوقعوا محللو البنوك الأميركية جيه بي مورغان JP Morgan، وغولدمان ساكس Goldman Sacks، وسيتي غروب Citi، واللي قالوا إن السعر المستهدف للدهب ممكن يوصل إلى 3000 دولار للأونصة، وبرروا ده بالخفض المحتمل في معدلات الفائدة، واللي هيقلل من تكلفة الفرصة البديلة لامتلاك الدهب.

ورغم أن نطاق تخفيض معدلات الفائدة من قبل الفدرالي الأميركي لسه مش واضحو، إلا أن المستثمرين بيترقبوا مزيداً من التخفيضات خلال السنة الجديدة، ولكن كل التوقعات والاحتمالات بتؤكد إن الدهب هيحقق أكبر مكاسب له في 2025 وكمان في السنة اللي بعده 2026، وده معناه إن لو حضرتك معاك فلوس وعايز تشتري دهب أنزل بسرعة وماتترددش عشان تقدر تحافظ على فلوسك كويس.