غاية التعليمية يكتُب.. يا ترى لو أنت رجل أعمال وبتستخدم الشيكات في معاملاتك المالية، تعمل إيه عشان تطلع دفتر شيكات في أسرع وقت، إيه هي الإجراءات وهل مطلوب إنك تعمل مشوار مخصوص للبنك عشان الدفتر.. هنقولك كل التفاصيل في الفيديو ده فتابعنا للآخر. 
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طبعا، البنوك المصرية دلوقتي بتقدم مجموعة متنوعة من الخدمات، وكلها بتتنافس عشان تحذب أكبر عدد من العملا من ناحية، وعشان تواكب عصر  التكنولوجيا السريع من ناحية تانية، عشان كده البنوك بتوسع قاعدة طرح المنتجات والخدمات الرقمية عشان يتم إنجازها أونلاين من غير ما حضرتك تدب مشوار لفرع البنك.

ومثلا بنك مصر، دلوقتي بيطرح لعملائه إمكانية استخراج دفتر شيكات بشكل إلكتروني، يعني من غير ما تروح لأقرب فرع لك، كل المطلوب إنك تخش على موقع البنك، وتملا استمارة طلب إصدار دفتر شيكات.

ومع بداية السنة الجديدة، كشف بنك مصر لملايين العملاء على موقعه، عن طريقة طلب استخراج دفتر شيكات أونلاين، عشان يقدر يوفر وقت وجهد العملاء وكمان نفقات الانتقال.

طب إيه هي شروط استخراج دفتر شيكات بنك مصر أونلاين؟

بص يا سيدي، لازم يكون صاحب طلب إصدار دفتر الشيكات أونلاين عميل لبنك مصر، كمان لازم السن يكون فوق 21 سنة، ويكون عندك حساب بالعملة المحلية، ونوعه "حساب جاري" للأفراد مش الشركات.

وبعد كده، هيطلع لك دفتر الشيكات أونلاين في حالة كان رصيد الحساب فوق الحد الأدنى، يعني فوق 2500 جنيه، بس بعد كده بيتم تحديد رسوم إصدار الدفتر بحسب التعريفة المصرفية المحددة عند البنك.

أما بالنسبة لخطوات استخراج دفتر الشيكات، فهي بعد ما تسجل على موقع البنك بياناتك، وتملا استمارة طلب استخراج دفتر شيكات، فهتقوم  بإدخال الرقم القومي المدون على بطاقة العميل الشخصية، بس لازم تكون سارية، بعد كده هتدخل رقم الموبايل المسجل عند بنك مصر، وتضعط على زر (تنفيذ).

بس خلي بالك، لازم تكون كل البيانات اللي حضرتك دخلتها متطابقة مع المسجلة عند البنك عشان الدفتر بتاعك يطلع بسرعة.

وبعد انتهاء كل المراحل دي، البنك هيبعتلك رمز الأمان OTP إما على رقم الموبايل المسجل عنده أو البريد الإلكتروني، بعد كده انت هتدخل  رمز OTP في خانة مخصصة على موقع البنك عشان تستكمل الطلب، وبعد إدخال رمز التحقق هتضغط (تنفيذ)  وبس كده.

بس عايزين نقولك إن حضرتك لازم تختار حساب الإصدار، وتحدد عدد الأوراق للدفتر اللي سيتم إصداره سواء 25 أو 50، وكمان لازم تحدد فرع بنك مصر داخل الجمهورية اللي هتستلم منه دفتر الشيكات اللي طلبته أونلاين.

آخر خطوة بقى، هي إنك تضغط على خانة (الشروط والأحكام) بالموافقة، عشان تقدر تتفادى أي مشكلات مستقبلية.